કોરોના વાયરસ મામલે પાકિસ્તાનના પઠાણે ચીનનો ઉધડો લીધો

નવી દિલ્હીઃ કોરોના વાયરસથી આખી દુનિયામાં ડર વ્યાપી ગયો છે. આ વાયરસથી બચવા માટે સોશિયલ મીડિયા પર અલગ-અલગ પ્રકારના ઉપાયો બતાવવામાં આવી રહ્યા છે. વિશ્વ સ્વાસ્થ્ય સંગઠનના તાજેતરના અધિકારીક આંકડાઓ અનુસાર, વિશ્વભરમાં અત્યારસુધીમાં કોરોના વાયરસના ચેપના કારણે 2,241 નવા કેસોની પુષ્ટી થઈ છે ત્યારે હવે આનાથી પીડિત લોકોની કુલ સંખ્યા 95,333 પર પહોંચી ગઈ છે. આ વાયરસને લઈને ઘણા વીડિયોઝ પણ સામે આવી રહ્યા છે. આવો જ એક વિડીયો પાકિસ્તાનમાંથી સામે આવ્યો છે કે જેમાં એક વ્યક્તિ ચીન પર જોરદાર વરસી રહ્યો છે. આ વીડિયોને બોલીવુડ એક્ટ્રેસ રવીના ટંડને પણ શેર કર્યો છે.

રવીના ટંડન દ્વારા શેર કરવામાં આવેલા વિડીયોમાં જોઈ શકાય છે કે એક પઠાણ ચીન પર ગુસ્સે થયો છે અને કહી રહ્યો છે કે, બધા કહી રહ્યા છે કે, કોરોના વાયરસને લઈને ચીન માટે દુઆ કરવી જોઈએ. પરંતુ એ લોકો માટે શું દુઆ કરું કે લોકો ગધેડા, બિલાડી જેવા પ્રાણીઓનું માંસ ખાય છે. આ લોકો કંઈજ છોડતા નથી. પાકિસ્તાનના પઠાણે આ પ્રકારે ચીન પ્રહારો કર્યા છે. સોશિયલ મીડિયા પર આ વિડીયો ખૂબ વાયરલ થઈ રહ્યો છે. લોકો આ વિડીયો પર કમેન્ટ્સ પણ મોટી માત્રામાં કરી રહ્યા છે.

રવીના ટંડને પાકિસ્તાની પઠાણનો વિડીયો શેર કરીને લખ્યું કે, પઠાણના શબ્દો સાચા હોય છે, તેઓ કહી રહ્યા છે કે પ્રાણીઓની હાય લાગી છે, આ ખૂબ સારી સાચી છે. ઉલ્લેખનીય છે કે, કોરોના વાયરસના કારણે આઈફા એવોર્ડ પણ પ્રભાવિત થયો છે. મધ્યપ્રદેશના ઈન્દોર શહેરમાં માર્ચના અંતમાં આયોજિત થનારા આ ઈન્ટરનેશનલ ઈન્ડિયન ફિલ્મ એકેડમી એવોર્ડને કોરોના વાયરસના કારણે સ્થગિત કરી દેવામાં આવ્યો છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]