ગુરુવારે ઉત્તર પશ્ચિમ સીરિયામાં એક હવાઈ હુમલામાં અલ કાયદા સાથે સંકળાયેલા આતંકી સંગઠનના સિનિયર આતંકી મોહમ્મદ અલ સલાહ અલ જબીરને મોતને ઘાટ ઉતારી નાખ્યો. અમેરિકન સેન્ટ્રલ કમાન્ડે એક નિવેદનમાં જણાવ્યું કે આ હવાઈ હુમલા આતંકીઓના નેટવર્કને તોડવા માટે કરાયા હતા. જબીર હુરાર્સ અલ દીન નામના આતંકી સંગઠનનો આતંકી હતો જે અલ કાયદાના નેટવર્ક સાથે જોડાયેલો હતો. જ્યારે ઈઝરાયલે પેલેસ્ટિનિયન સંગઠન હમાસના સૈન્ય પ્રમુખ મોહમ્મદ દૈફને હવાઈ હુમલામાં ઠાર કર્યો છે. આઈડીએફએ આ ઘટનાની પુષ્ટી કરી હતી.
આ ઉપરાંત વધુ તેમણે જાણાવ્યું કે “યુનાઇટેડ સ્ટેટ્સ સેન્ટ્રલ કમાન્ડ યુનાઇટેડ સ્ટેટ્સ અને તેના સાથી દેશો પર હુમલો કરવાનું કાવતરું ઘડનારા આતંકવાદીઓને મારવાનું અથવા પકડવાનું ચાલુ રાખશે,” યુએસ સેન્ટ્રલ કમાન્ડના કમાન્ડર જનરલ માઇકલ એરિક કુરિલાએ જણાવ્યું હતું.
સીરિયામાં થયેલા બળવા અને બશર-અલ-અસદના શાસનના અંત પછી, બુધવારે (29 જાન્યુઆરી) અહેમદ અલ-શારાને દેશના વચગાળાના રાષ્ટ્રપતિ તરીકે નિયુક્ત કરવામાં આવ્યા છે. ઇસ્લામિક બળવાખોર ગઠબંધન હયાત તહરિર અલ-શામ (HTS) ના નેતૃત્વ હેઠળના બળવાખોરોએ ગયા વર્ષે 8 ડિસેમ્બરે બશર અલ-અસદને સત્તા પરથી હાંકી કાઢ્યા હતા.એક ન્યુઝ મીડિયા એજન્સી દ્વાર જાણવા માળી રહ્યું છે કે, લશ્કરી અધિકારી હસન અબ્દેલ ગનીએ જાહેરાત કરી કે અહેમદ અલ-શારા દેશના વચગાળાના રાષ્ટ્રપતિ તરીકે સેવા આપશે અને આંતરરાષ્ટ્રીય મંચો પર સીરિયાનું પ્રતિનિધિત્વ કરશે.
