નવી દિલ્હીઃ ઈરાકના મિલિટ્રી મેઝ પર કરવામાં આવેલા રોકેટ હુમલામાં 2 અમેરિકી સૈનિક અને એક બ્રિટિશનું મોત થયું છે. અમેરિકી અધિકારીઓ દ્વારા આ જાણકારી આપવામાં આવી છે. તેમણે જણાવ્યું કે બગદાદના ઉત્તરમાં તાજિયા બેઢ પર રોકેટ ફેંકવામાં આવ્યા હતા. 
પ્રાપ્ત વિગતો અનુસાર, ઈરાકમાં અમેરિકી સેનાના પ્રવક્તા માઈલ્સ કેગિન્સે જણાવ્યું કે ઈરાકના તાજી બેઝ કેમ્પ પર 15 રોકેટ ફેંકવામાં આવ્યા હતા. જો કે તેમણે આ મામલે વધારે જાણકારી ન આપી. તો એક અન્ય અમેરિકી અધિકારીએ કહ્યું કે ટ્રક લોન્ચરથી 30 રોકેટ ફેંકવામાં આવ્યા જેમાં 18 બેઝ પર પડ્યા.
જો કે અધિકારીઓએ આ મામલે કોઈ જાણકારી નથી આપી કે કયા ગ્રુપે આ રોકેટ હુમલો કર્યો છે. એક અન્ય રિપોર્ટ અનુસાર, હુમલાખોરોએ 15 રોકેટ ફેંક્યા કે જેમાં એક ડઝનથી વધારે લોકો ઘાયલ થયા. અમેરિકાના એક અધિકારીએ વાતની પુષ્ટી કરતા કહ્યું કે માર્યા ગયેલા અમેરિકીઓમાંથી એક સૈનિક હતો અને અન્ય એક કોન્ટ્રાક્ટર હતો. તેમણે કહ્યું કે, મૃતકોની સંખ્યા વધી શકે છે.
