વોશિંગ્ટનઃ અમેરિકાના કેલિફોર્નિયામાં જાતિગત ભેદભાવ પર પ્રતિબંધ મૂકવાને વાસ્તે એક વિધેયક રજૂ કરનાર ડેમોક્રેટિક પાર્ટીની સેનેટરની સામે ભારતીય-અમેરિકી સમુદાયના લોકોએ શાંતિપૂર્ણ રેલી કાઢી હતી. સ્ટેટ સેનેટર આઇશા વહાબે 22 માર્ચે એ વિધેયક રજૂ કર્યું હતું. આ વિધેયક પાસ થવા પર અમેરિકાના સૌથી મોટા વસતિ ધરાવતા કેલિફોર્નિયા જાતિ આધારિત પૂર્વાગ્રહને ખતમ કરવાવાળો દેશનું પહેલું રાજ્ય બની જશે.
વહાબ રાજ્યના સદનમાં ચૂંટાયેલી પહેલી મુસ્લિમ અને અફઘાનિસ્તાની અમેરિકી છે. કોલેશન ઓફ હિન્દુસ ઓફ નોર્થ અમેરિકા (COHNA)એ એક શાંતિપૂર્ણ રેલીનું આયોજન કર્યું હતું, એમાં સામેલ થયેલા લોકોએ કહ્યું હતું કે સેનેટર વહાબ દ્વારા રજૂ કરવામાં આવેલા કાનૂન દરેક જાતિ, ધર્મ અને વંશના લોકો માટે સમાનતા અને ન્યાયના મૌલિક સિદ્ધાંતોની વિરુદ્ધ છે.
ફ્રેમોટ શહેરના નિવાસી અને ટેક્નોલોજી ક્ષેત્રમાં કાર્યરત હર્ષ સિંહે કહ્યું હતું કે એ વિધેયક હિન્દુઓ અને એશિયન મૂળના લોકોની સામે પૂર્વાગ્રહ ઊભો કરે છે, જે નફરતને વધારવા અને તેમનાં બાળકોને નિશાન પર લાવશે. કાનૂનની વિરુદ્ધ પોસ્ટર અને બેનર પ્રદર્શિત કરતા દેખાવકારોએ કેલિફોર્નિયામાં સદનના સભ્યોથી અપીલ કરી હતી કે તેઓ હિન્દુઓને અલગ-થલગ ના કરે અથવા એ માની લે કે તેઓ પોતાના જન્મને કારણે દમનકારી કૃત્યોના દોષી છે. આ લોકોએ શાંતિપૂર્ણ પ્રકારથી સેનેટર બહાબની ઓફિસની સામે રેલી કાઢી અને કહ્યું હતું કે કાનૂન એસબી-403 કેલિફોર્નિયામાં જાતિને એક સંરક્ષિત શ્રેણીના રૂપમાં જોડવાનો પ્રસ્તાવ કરે છે. તેમણે કહ્યું હતું કે એ પ્રમાણિત અને પક્ષપાતી આંકડા પર આધારિત છે, જે દક્ષિણ એશિયન લોકોની સામે-સાથે જાપાની, આફ્રિકી તથા દક્ષિણ અમેરિકી સમુદાયોના અશ્વેત લોકોને લક્ષિત કરે છે.
