એન્ટિ-બોડી ટેસ્ટ મામલે ચીનાઓ બ્રિટનને છેતરી ગયા?

લંડનઃ કોરોના વાઇરસના પ્રકોપ વચ્ચે આયર્લેન્ડ પછી હવે બ્રિટનને પણ ચીને ચૂનો લગાડ્યો છે. બ્રિટન સરકારના નવા ટેસ્ટિંગ વડાએ સ્વીકાર કર્યો છે કે ચીનની પાસે ખરીદવામાં આવેલા 35 લાખ એન્ટિ-બોડી ટેસ્ટ ખરાબ નીકળ્યા છે. આ એન્ટિ-બોડી ટેસ્ટનો વ્યાપક સ્તરે ઉપયોગ નથી કરી શકાતો. ચીનથી મળેલી આ છેતરપિંડી પછી આ રોગચાળાને કાબૂમાં લેવાની બ્રિટનની મુશ્કેલીમાં ખાસ્સો વધારો થયો છે.

બ્રિટનના ટેસ્ટિંગના વડા બનાવવામાં આવેલા પ્રોફેસર જોન ન્યુટને કહ્યું હતું કે આ ચીની ટેસ્ટ માત્ર એ લોકોના રોગને જ પકડી રહ્યો છે, જેને ગંભીરરૂપે  બીમાર છે. તેમણે કહ્યું હતું કે એન્ટિ-બોડી ટેસ્ટ પ્રારંભિક ટેસ્ટ પણ નથી કરી શકતો અને એને લીધે વ્યાપક રૂપે આનાથી તપાસ ના કરી શકાય.

અવિશ્વસનીય ટેસ્ટથી બહુ ગંભીર પરિણામ

બ્રિટનના વડા પ્રધાન બોરિસ જોન્સનના પ્રવક્તાએ ચેતવણી આપી હતી કે અવિશ્વસનીય ટેસ્ટથી બહુ ગંભીર પરિણામો ભોગવવાં પડે એમ છે. આ એન્ટિ-બોડી ટેસ્ટથી તપાસવામાં આવે તો આ કોરોના કેટલા લોકોને ભરખી જાય એ પણ કહેવું મુશ્કેલ છે અને એ બેકાબૂ બની જાય એમ છે.

ચીનના આ નિમ્ન સ્તરના એન્ટિ-બોડી ટેસ્ટથી બ્રિટનને ઘણો મોટો આંચકો લાગ્યો છે. આ પહેલાં કોરોના વાઇરસથી જંગ લડી રહેલા પાકિસ્તાનને  પણ તેના મિત્ર ચીને છળ કર્યું હતું.  પાકિસ્તાનને N-95 માસ્કની જગ્યાએ અંડરવેરથી બનાવેલા માસ્ક પહોંચાડ્યા હતા. યુરોપના કેટલાય દેશોએ આ પહેલાં ચીને મોકલેલા માસ્ક અને કિટની ગુણવત્તા ખરાબ હોવાનો દાવો કર્યો હતો. સ્પેન અને નેંધરલેન્ડસે તો મેડિકલ સપ્લાય પરત મોકલવાનો નિર્ણય કર્ય છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]