‘રેડ એલર્ટ’ના પ્રકોપથી પશુપંખીઓને બચાવવા એડવાઈઝરી જાહેર કરવી પડી

અમદાવાદઃ રાજ્યમાં અસહ્ય ગરમીનો પ્રકોપના દિવસો ચાલી રહ્યાં છે જેમાં 26-27-28 માટે રેડ એલર્ટ જાહેર કરવામાં આવ્યું છે. ગરમીની અસર માનવજીવન પર થાય છે તેવી જ પશુપંખીઓ પણ પણ જોવા મળે છે. અબોલ પશુપંખીઓને ગરમીથી બચાવવા સરકાર દ્વારા એક એડવાઈઝરી બહાર પાડવામાં આવી છે અને નાગરિકોને અનુરોધ કરવામાં આવ્યો છે કે પશુપંખીઓના રક્ષણ માટે બનતો સાથસહકાર આપે.પશુપાલકો દ્વારા આ ગરમીના સમયગાળા દરમિયાન પશુઓને ગરમીથી રક્ષણ આપવા જરુરી તકેદારી રાખવામાં આવે તો પશુઓને ગરમીથી રાહત મળી શકે છે. રાજ્યના પશુપાલન નિયામક દ્વારા પશુપાલકોએ પશુઓને ગરમીથી રક્ષણ આપવા શું કરવું જોઈએ તે માટે માર્ગદર્શિકા જાહેર કરાઇ છે.

હાલના દિવસોમાં વાતાવરણમાં તાપમાન વધુ હોવાથી દૂધાળાં પશુઓની ઉત્પાદકતા પર તથા તંદુરસ્ત પશુઓના આરોગ્ય પર વિપરીત અસર થવાની પૂરેપૂરી સંભાવના છે. જેથી ઉનાળામાં પશુઓને ગરમીથી રક્ષણ આપવા રાજ્યના પશુપાલકોને પશુપાલન નિયામક દ્વારા નીચે મુજબની તકેદારી રાખવા જણાવાયું છે.