રાજ્યમાં જીવલેણ અકસ્માતના કિસ્સાનો સિલસિલો યથાવત્ જોવા મળી રહ્યો છે. ત્યારે ફરી એક વખતા એક ગોઝારા અકસ્માતે ત્રણ માસુમોના જીવનો ભોગ લીધો છે. અરવલ્લીના મોડાસાના સાકરિયા પાસે સરકારી અને ખાનગી બસ વચ્ચે અકસ્માત સર્જાયો હતો. અકસ્માતમાં 3 લોકોના મોત,42 લોકો ઘાયલ થયા હતા. બાઇક ચાલકને બચાવવા જતા એસટી બસ રોંગ સાઈડ અથડાઈ હતી.
ડભોઇથી મોડાસા તરફ આવતી એસટી બસ એક બાઇક ચાલકને બચાવવા જતાં ડીવાયડર કુદીને રોંગ સાઈડમાં ઘૂસી ગઈ હતી. તે જ સમયે સામેથી આવતી લક્ઝરી સાથે બસ ધડાકાભેર અથડાઈ હતી. આ અકસ્માતમાં ત્રણ લોકોના ઘટનાસ્થળે જ કમકમાટીભર્યા મોત થયા હતા.એસટી અને લક્ઝરીમાં કુલ 46 મુસાફરો ઇજાગ્રસ્ત થયા છે. જેમાં 13 મુસાફરો ગંભીર જણાતા સારવાર અર્થે હિમ્મતનગર ખસેડાયા છે.
અકસ્માતમાં ઘટના સ્થળ પર જ બે લોકોના અને એકનું સારવાર દરમિયાન મોત નિપજ્યું હતું. ઘટનામાં 42 લોકોને ઈજાઓ પહોંચી છે. જેમને સ્થાનિક સરકારી હોસ્પિટલમાં સારવાર માટે ખસેડવામાં આવ્યા છે. ઈજગ્રસ્તોને બંને બસના પતરા બુલડોઝરથી તોડીને બહાર નિકાળવામાં આવ્યા હતા. અકસ્માતના સીસીટીવી ફૂટેજ પણ સામે આવ્યા છે. ઘટનાને પગલે સ્થાનિક ડીવાયએસપી સહિત નિવાસી અધિક ક્લેકટર સહિતના અધિકારીઓનો કાફલો સ્થળ પર પહોંચ્યો હતો.
