ભારત સરકારના શ્રમ અને રોજગાર મંત્રાલય હેઠળની એક વૈધાનિક સંસ્થા, એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO)ના હેડ ઓફિસ દ્વારા જારી કરાયેલા આદેશોના પાલનમાં, સુદીપ્ત ઘોષે 11 એપ્રિલ, 2025થી ગુજરાત ઝોનના એડિશનલ સેન્ટ્રલ પ્રોવિડન્ટ ફંડ કમિશનર તરીકે ચાર્જ સંભાળ્યો છે.
નોંધનીય છે કે, ઘોષ 1998ની બેચના અધિકારી છે, જેમણે આસિસ્ટન્ટ પ્રોવિડન્ટ ફંડ કમિશનરના કેડરમાં નિમણૂક મેળવી હતી. દેશભરમાં વિવિધ સ્થળોએ વિવિધ હોદ્દાઓ પર એમણે કાર્ય કર્યું છે. એમની આ નિમણૂક ગુજરાત રાજ્યમાં EPFOના કાર્યને નવો દૃષ્ટિકોણ આપશે અને હિતધારકોને સેવા પહોંચાડવામાં યોગદાન આપશે.
