અમદાવાદઃ શહેરના પશ્ચિમ ભાગના વિસ્તારો – ગોતા, ઘાટલોડિયા, ચાંદલોડિયા, જગતપુરમાં આજે સાંજે વીજળીના કડાકા ભડાકા સાથે ધોધમાર વરસાદ તૂટી પડ્યો હતો.
આ વર્ષે ઉનાળાની શરૂઆતે ગરમી પડે એ પહેલાં અનેક વાર ગુજરાતમાં માવઠા થયા છે. એ પછી પડેલી કાળઝાળ ગરમીથી લોકો ત્રાહિમામ પોકારી ગયા છે.
હવે મે મહિનાનો અંત આવી ગયો છે ત્યારે સુસવાટા મારતા પવનની સાથે કેટલાક વિસ્તારોમાં વરસાદ પડ્યો છે. આજે શુક્રવારની સાંજે આંધી આવી હતી અને ગાજવીજ સાથે વરસાદ તૂટી પડ્યો હતો.
અમદાવાદના અનેક વિસ્તારોમાં માર્ગો પર વીજળી વિભાગ, રેલવે, મહાનગરપાલિકાના કામો ચાલી રહ્યા છે. એવા વખતે ચોમાસા પહેલાં અચાનક જ વરસાદ ખાબકતાં ઊંડા ખાડા, ઉબડખાબડ રસ્તાઓથી તંત્ર અને લોકો મુશ્કેલીમાં મુકાઇ ગયા છે.
(પ્રજ્ઞેશ વ્યાસ)
