પોરબંદરઃ હેરોઈનની હેરાફેરીમાં સંડાવાયેલી બોટ તણાઈને દરિયાકિનારે આવી

0
948

પોરબંદર– પોરબંદરના દરિયા કિનારે ચોમાસાના કારણે ભારે હાઈ ટાઇડની સ્થિતિ સર્જાઈ છે. 2017માં 1500 કિલો હેરોઇનની હેરાફેરીમાં ઝડપાયેલી બોટ પોરબંદરના બંદર પર લાંગરવામાં આવી હતી, જે 16 જુલાઈને સોમવારે સવારે 7 વાગ્યે દરિયાના તોફાનથી લંગર છૂટી જતા પોરબંદરના જુના લાઈટ હાઉસ નજીક ફસાઈ ગઈ અને તેને જોવા લોકોના ટોળાં ઉમટ્યાં હતાં.

પ્રતીકાત્મક તસવીર

બોટ કિનારા પાસે ફસાઈ હોવાથી બોટમાં રહેલા 6 લોકો સમુદ્રમાં તરીને કિનારે આવી ગયા હતા. કોસ્ટ ગાર્ડ દ્વારા 27જુલાઈ 2017ના રોજ 1500 કિલો હેરોઇનના જથ્થાની હેરફેર કરતી આ હેનરી બોટને ઝડપી લીધી હતી. ત્યાર બાદ આ બોટને પોરબંદરના બંદર પર લાંગરવામાં આવી હતી.

આ બોટ માલિકે કહ્યું હતું કે સોમવારે સવારે આ ઘટનાની જાણ થતા પોર્ટ ઓફિસમાં મદદ માંગી હતી. સવારે 10.30 કલાકે કોસ્ટગાર્ડ ટીમ આવી હતી અને બોટમાં 6 લોકો હતા, તે કિનારે બોટ હોવાથી આસાનીથી કિનારા પર આવી ગયા હતા, પરંતુ કોસ્ટ ગાર્ડ દ્વારા શું કાર્યવાહી થઇ રહી છે, તે જાણવા મળી શક્યું નથી.