મોદીના જૂના મિત્ર હરિભાઈ આધુનિક (88)નું અવસાન

રાજકોટઃ રાષ્ટ્રીય સ્વયંસેવક સંઘ (આરએસએસ) સંસ્થાના સભ્ય અને વડા પ્રધાન નરેન્દ્ર મોદીના વર્ષો જૂના મિત્ર હરિભાઈ આધુનિકનું વૃદ્ધાવસ્થાને લગતી બીમારીઓને કારણે આજે સવારે અહીં એમના પુત્રીના નિવાસસ્થાને અવસાન થયું છે. એ 88 વર્ષના હતા. તેઓ દ્વારકા શહેરના દ્વારકાધીશ મંદિરની વહીવટીય સમિતિના સભ્ય હતા. તેઓ વિશ્વ હિન્દુ પરિષદના પણ સભ્ય હતા અને જનસંઘના સમયથી ભાજપ સાથે સંકળાયેલા હતા.

મોદી જ્યારે પણ દ્વારકાની મુલાકાતે જતા ત્યારે હરિભાઈ આધુનિકને અચૂક મળતા – ક્યારેક તમામ પ્રોટોકોલ્સને બાજુએ મૂકીને પણ. હરિભાઈ એમના સાદગીભર્યા અને નમ્ર સ્વભાવને કારણે જાણીતા હતા. જામનગરનાં ભાજપના સંસદસભ્ય પૂનમબેન માડમ અને રાજ્યસભાના સદસ્ય પરિમલ નથવાણીએ હરિભાઈ આધુનિકને શ્રદ્ધાંજલિ અર્પણ કરી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]