ભાવનગર: રાજ્યમાં ડ્રગ્સ પકડાવાના કિસ્સાઓમાં સતત વધારો થતો જોવા મળી રહ્યો છે. ગુજરાતમાં ફરી એક વખત ડ્રગ્સ ઝડપાયો છે. શહેરના ઘોઘા ગામના કુડા ચોકડી પાસેથી 70.82 ગ્રામ ડ્રગ્સ પકડાયું છે. પોલીસે મેથામ્ફેટામાઇન ડ્રગ્સ સાથે 3 શખ્સો ઝડપાયા છે. મળતી માહિતી અનુસાર આ ડ્રગ્સની બજારની કિંમતો 7.08 લાખ હોવાનું સામે આવ્યું છે. ડ્રગ્સ સહિત 3 મોબાઈલ સહિતનો મુદ્દામાલ જપ્ત કરવામાં આવ્યો છે. તેમાં ડ્રગ્સ ક્યાંથી લાવ્યા, કઈ રીતે આવ્યો તે તપાસ થઇ રહી છે. ભાવનગરનો પ્રભુદાસ, 2 લોકો કુંભારવાડાના ઝડપાયા છે.
ભાવનગર જિલ્લાના ઘોઘા ગામ પાસેથી ડ્રગ્સનો જથ્થો ઝડપાતા ચોંકાવનારા ખુલાસા થયા છે. તેમાં SOGની ટીમને મળેલી બાતમીના આધારે ઘોઘાના કુડા ચોકડી પાસેથી 70.82 ગ્રામ મેથામ્ફેટામાઇન ડ્રગ્સના જથ્થા સાથે 3 ઈસમો ઝડપાયા હતા. ડ્રગ્સની કિંમત 7,08,200ની સાથે 3 મોબાઈલ મળી કુલ રકમ 7,23,200 નો મુદ્દામાલ કબજે કર્યો છે. ઉલ્લેખનીય છે કે આ ડ્રગ્સનો જથ્થો ક્યાંથી લાવ્યા કઈ રીતે તેઓ આવ્યાએ સમગ્ર હકીકત SOGની ટીમ દ્વારા જાહેર કરવામાં આવી નથી. જેમાં ભાવનગરનો એક શખ્સ પ્રભુદાસ તળાવનો રહેવાસી છે. તેમજ 2 શખ્સો કુંભારવાડા મોતીતળાવના રહેવાસી હોવા છતાં તેઓ કુડા ચોકડી પાસે કઈ રીતે પહોંચ્યા તે હકીકત પણ SOGની ટીમ દ્વારા છુપાવવામાં આવી રહી છે. આ માહિતી છુપાવતા SOGની કામગીરી સામે પણ અનેક સવાલ ઉઠી રહ્યા છે. ભાવનગર શહેરના 3 શખ્સો ડ્રગ્સના જથ્થા સાથે શહેરથી 20 કિલોમીટર દૂર કુડા ચોકડી પાસે પહોંચ્યા કઈ રીતે તે હકિકત પોલીસ જાણતી હોવાથી તે છુપાવી રહી છે તેથી પોલીસની કામગીરી પર ચર્ચા શરૂ થઇ છે.
