ગુજરાતમાં દિવસેને દિવસે વિદેશી દારૂ ઝડપાવાના કિસ્સામાં વધારો થતો જોવા મળી રહ્યો છે. આ અગાઉ ગુજરાતના દરિયા કિનારાને ડ્રગ્સ સપ્લાય કરનારાઓએ ટાર્ગેટ કર્યો હતો. તો બીજી બાજું જમીન વિસ્તારમાં દારૂની સપ્લાયમાં વધારો નોંધાય રહ્યો છે. ત્યારે દારૂ બંધી ધરાવતા રાજ્યમાં આજે 24 કલાકમાં બે જગ્યા પરથી દારૂનો મોટી માત્ર જથ્થો મળી આવ્યો છે.
પ્રાપ્ત માહિતી પ્રમાણે કરજણ નેશનલ હાઈવે ઉપર માંગલેજ ચોકડી નજીક જી.પી.ઇ.એલ કંપની પાસે જિલ્લા એલસીબીએ એક બંધ બોડીનું કન્ટેનર ઝડપી પાડ્યું હતું. આ કન્ટેનરમાં 11.81 લાખ કિંમતની દારૂની 5,748 બોટલો હતી. દારૂના જથ્થા સાથે ડ્રાઇવર ઇર્શાદખાન નસરુખાનને ઝડપી પાડ્યો હતા. જ્યારે મુબારકખાન નેહાના મુસ્લિમ ફરાર થઈ ગયો હતો. પોલીસે દારૂનો જથ્થો એક મોબાઈલ કન્ટેનર મળી 16.86 લાખનો મુદ્દામાલ કબજે કરી વધુ તપાસ હાથ ધરી છે.
જ્યારે બીજી બાજુ સુરતમાં કામરેજ પોલીસની ટીમે મુંબઈથી અમદાવાદ ને.હા.નં. 48ના સર્વિસ રોડ પાસેથી દારૂ ભરેલો ટેમ્પો ઝડપી પાડ્યો હતો. પોલીસે ટેમ્પામાં તપાસ કરતા તેમાંથી 52.80 લાખનો દારૂનો જત્થો મળી આવ્યો હતો. જેથી પોલીસે ટેમ્પો, દારૂ મળી કુલ 65,84 લાખનો મુદામાલ જપ્ત કર્યો હતો. તેમજ એકની ધરપકડ કરી કાયદેસરની કાર્યવાહી હાથ ધરી હતી. પોલીસે ટેમ્પાના ક્લીનર રાજુ નાથુલાલજી ડાંગીની ધરપકડ કરી હતી તેમજ આ ઘટનામાં ટેમ્પા ચાલક સુખલાલ દીપલાલ ડાંગી, ગોવાથી ટેમ્પામાં વિદેશી દારૂનો જથ્થો ભરાવી મોકલનાર ભૂરસિંહ ઉર્ફે કુરસિંહ, તેમજ રાજસ્થાનથી ટેમ્પામાં દારૂનો જથ્થો ભરવા મોકલનાર તખતસિંગ કાનસિંગ સીસોદીયા અને ગોવાથી ટેમ્પામાં ભારતીય બનાવટનો વિદેશી દારૂનો જથ્થો ભરાવી મોકલનાર ભૂરસિંગ તથા તખતસિંગનો માણસ અને દારૂનો જથ્થો માંગવનાર હાલોલ ખાતેના એક માણસને પોલીસે વોન્ટેડ જાહેર કરી આ મામલે કાયદેસરની કાર્યવાહી હાથ ધરી હતી.
