ગાંધીનગર: ગુજરાતી ફિલ્મોના જાણીતા ગાયક, સંગીતકાર, ભૂતપૂર્વ સંસદસભ્ય (પાટણ) મહેશ કનોડિયાનું ગાંધીનગર સ્થિત એમના નિવાસસ્થાને અવસાન થયું છે. એ ૮૩ વર્ષના હતા. એમણે ચાર દાયકા સુધી ગુજરાતી ફિલ્મોમાં સંગીત આપ્યું હતું.
પુરુષ અને સ્ત્રી, એમ બંનેના અવાજમાં ગીત ગાઈ શકવાની મહેશ કનોડિયામાં ગજબની કુદરતી કળા હતી.
એ ગુજરાતી ફિલ્મોના સુપરસ્ટાર નરેશ કનોડિયાના મોટા ભાઈ હતા.
નરેશભાઈ કોરોના થયો હોવાથી અમદાવાદની હોસ્પિટલમાં સારવાર હેઠળ છે.
મહેશભાઈને શ્રધ્ધાંજલિ.🙏
