રાજ્યમાં ગરમીનો કાળો કહેર વરસી રહ્યો છે. એક બાજુ હજુ પાંચ દિવસ હીટવેવની માગ કરવામાં આવી છે. ત્યારે બીજી બાજુ આગામી પાંચ દિવસ સુધી વિદ્યાર્થીઓ માટે 12 થી 4 સુધી શૌક્ષણિક કાર્ય બંધ રાખવાનો નિર્ણય કરવામાં આવ્યો છે.
ગુજરાતમાં ગરમીનો આકરો કહેર વરસતો જોવા મળી રહ્યો છે. ત્યારે એક બાજું લોકોને ઘરની બહાર ન નીકળવાની સલાહ આપવામાં આવી રહી છે. આ ઉપરાંત આગામી પાંચ દિવસ સુધી ગરમીનો ઓરેજ એલર્ટ સાથે હીટવેવ થવાની સંભાવના આપવામાં આવી છે. ત્યારે રાજ્યના સરકારી કર્મતારીઓ આગામી પાંચ દિવસની રજાની માંગણી કરી રહ્યા છે. રાજ્યમાં પહેલી વખત એવું બન્યું છે કે સરકારી કર્મચારીઓના મહામંડળ દ્વારા ગરમીના કારણે સરકારી કચેરીઓમાં આગામી સપ્તાહમાં જાહેર રજા આપવા માગણી કરાઇ છે. વિકટ પરિસ્થિતિમાં અસહ્ય ગરમીમાં ફરજ બજાવતા કર્મચારીઓને હીટ સ્ટ્રોક લાગતા તેમના સ્વાસ્થ્ય પર માઠી અસર પડી રહી હોવાનું પણ જણાવાયું છે.
રાજ્ય કર્મચારી મહામંડળ દ્વારા મુખ્યમંત્રી ભૂપેન્દ્ર પટેલને લેખિત રજૂઆત કરી રાજ્યમાં હવામાન વિભાગ જાહેર કરાયેલા હીટ વેવ અને રેડ એલર્ટના કારણે આગામી સપ્તાહમાં જાહેર રજા આપવા જણાવાયું છે. ઉલ્લેખનીય છે કે આગાઉ ગુજરાતમાં હીટસ્ટોક અને ગરમીને લઈ 20 જેટલા લોકોના જીવ ગયા હોવાનું સામે આવ્યું છે. આ ઉપરાંત રાજ્યમાં ગરમીને લઈ રોગચાળો પણ વધ્યો હોવાના સમાચાર સામે આવ્યા છે.
