નવી દિલ્હીઃ જાન્યુઆરી-માર્ચ ત્રિમાસિક સમયમાં દેશની આર્થિક વૃદ્ધિનો દર ઘટીને 7.4 ટકા રહ્યો છે. જે છેલ્લા ચાર ત્રિમાસિકમાં સૌથી વધુ છે. જોકે નાણાકીય વર્ષનો વાર્ષિક વૃદ્ધિદર ઘટીને 6.5 ટકા રહી છે, એમ ડેટા કહે છે.
જાન્યુઆરીથી માર્ચની ત્રિમાસિક વૃદ્ધિ એક વર્ષ પહેલાં સમાન ત્રિમાસિકના ગાળામાં 8.4 ટકા કરતાં ઓછો છે. નેશનલ સ્ટેટિસ્ટિકલ ઓફિસ (NSO) દ્વારા જાહેર કરાયેલા આંકડાઓ મુજબ માર્ચ ત્રિમાસિકમાં વૃદ્ધિ ધીમી પડવાથી FY25 માટે GDP વૃદ્ધિદર ઘટીને 6.5 ટકા થયો છે. જો આપણે વિત્ત વર્ષ 2023-24ની વાત કરીએ તો ત્યારે જીડીપી વૃદ્ધિદર 9.2 ટકા હતો.
NSO દ્વારા નેશનલ અકાઉન્ટના બીજા પૂર્વ અનુમાનમાં FY25 માટે દેશની વૃદ્ધિદર 6.5 ટકા રહેવાનો અંદાજ મુકાયો છે. એશિયાની સૌથી મોટા અર્થતંત્ર ચીનની જાન્યુઆરી-માર્ચ 2025ની ત્રિમાસિક વૃદ્ધિ દર 5.4 ટકા રહ્યો છે.
રિઝર્વ બેંકનો અંદાજ
રિઝર્વ બેંક (RBI)એ પોતાની અગાઉની મોનિટરી પોલિસી બેઠકમાં FY25 માટે જીડીપી વૃદ્ધિદર 6.6 ટકા રહેવાનો અંદાજ મૂક્યો હતો. જ્યારે માર્ચ ત્રિમાસિક (Q4FY25) માટે કેન્દ્રીય બેંકે 7.2 ટકાની વૃદ્ધિનો અંદાજ આપ્યો હતો.
ચોથું સૌથી મોટા અર્થતંત્ર
આ GDP ડેટા ત્યારે આવ્યો છે જ્યારે મોદી સરકાર ભારતના વિશ્વના ચોથા સૌથી મોટા અર્થતંત્ર બનવા અંગે દાવો કરી રહ્યો છે. IMFના અંદાજ મુજબ ભારત 2025-26ના અંત સુધીમાં ચોથા સૌથી મોટા અર્થતંત્રનું સ્થાન હાંસલ કરી લેશે.
