નવી દિલ્હીઃ ગેઇલ (ઇન્ડિયા) લિમિટેડે 25 06,2025એ તેની નવી ડિજિટલ યાત્રાની ઔપચારિક શરૂઆત કરી છે. કંપનીએ સફળતાપૂર્વક SAP S/4 HANA પર ક્લાઉડ આધારિત “RISE with SAP” ઉપકરણ પર પોતાના વ્યવસાય પ્રક્રિયાઓને ટ્રાન્સફર કરી છે. આ શરૂઆત ગેલના અધ્યક્ષ અને મેનેજિંગ ડિરેક્ટર સંદીપકુમાર ગુપ્તાને હસ્તે કરવામાં આવી હતી.
આ પ્રસંગે ગેલના ડિરેક્ટર (ફાઇનાન્સ) આર.કે. જૈન- ડિરેક્ટર (પ્રોજેક્ટ્સ) દીપક ગુપ્તા- ડિરેક્ટર (પ્રોજેક્ટ્સ) આયુષ ગુપ્તા, ડિરેક્ટર (HR), સંજયકુમાર- ડિરેક્ટર (માર્કેટિંગ), રાજીવકુમાર સિંઘલ (બિઝનેસ ડેવલપમેન્ટ) અને ચીફ વિજિલન્સ ઓફિસર રજનેશ સિંહ ઉપસ્થિત રહ્યા હતા. તેમની સાથે SAP ઇન્ડિયન સબકોન્ટિનેન્ટના પ્રમુખ અને મેનેજિંગ ડિરેક્ટર મનીષ પ્રસાદ સહિત બીજા કંપનીના વરિષ્ઠ અધિકારીઓ પણ ઉપસ્થિત રહ્યા હતા.
આ પ્રસંગે કંપનીના ચેરમેન અને MD સંદીપકુમાર ગુપ્તાએ જણાવ્યું હતું કે આ અમારું વ્યૂહાત્મક પગલું છે, જે અમારા ગ્રાહકો, કર્મચારીઓ અને સ્ટેકહોલ્ડરોને વધુ મૂલ્ય આપી શકશે. “નવોદય”ને નામે ઓળખાતી આ પહેલ સાથે કંપની પ્રથમ મહારત્ન PSU બની છે, જે આ માઈલસ્ટોનને હાંસલ કરે છે. આમાં જટિલતા છતાં માઈગ્રેશન એક જ વર્ષમાં સફળતાપૂર્વક પૂર્ણ થયું છે, જે તેના નિર્ધારિત સમયની અંદર પૂરું થયું છે.
આ પ્રસંગે કંપનીના ડિરેક્ટર (ફાઇનાન્સ) આર.કે. જૈને નવી એન્ટરપ્રાઇઝના લાભો ગણાવતાં કહ્યું હતું કે ક્લાઉડ સક્ષમ આધારિક ક્લાઉડ સક્ષમ આધારિક ERP પ્રણાલીમાં આ પરિવર્તન માત્ર ટેક્નોલોજી અંગે નથી, પણ એક વધુ સક્ષમ, સ્માર્ટ અને અનુકૂળ એન્ટરપ્રાઈઝ રચવાના દ્રષ્ટિકોણથી છે.
આ ક્રાંતિકારી બદલાવ હેઠળ કંપનીએ જૂની ECC સિસ્ટમ છોડીને SAP S/4HANA ક્લાઉડ પર પૂર્ણ રીતે ટ્રાંઝિશન કર્યું છે. આ સાથે SAPના પ્રમુખ અને MD મનીષ પ્રસાદે જણાવ્યું હતું કે આ મહત્ત્વપૂર્ણ સફળતા કંપનીની કાર્યક્ષમતા અને AIની સફરમાં નવી ઊંચાઈએ પહોંચવામાં મદદરૂપ થશે.
આ પગલાથી કંપની હવે આર્ટિફિશિયલ ઈન્ટેલિજન્સ, મશીન લર્નિંગ અને ઓટોમેશન જેવી સ્માર્ટ ટેક્નોલોજીનો લાભ લઈ શકશે. તેનાથી તે વધુ કાર્યક્ષમ, નવીન અને તાકાતવર એન્ટરપ્રાઈઝ તરીકે વિકસશે.
