અમદાવાદ: ફ્રેન્ચ એમ્બેસી, દર્પણ એકેડમી અને એલિયાન્સ ફ્રાન્સિસ, અમદાવાદ(AFA) શહેરની કલા પ્રેમી જનતા માટે એક વિશેષ કાર્યક્રમ લઈને આવી રહ્યા છે. દર વર્ષની જેમ, આ વર્ષે પણ AFA દ્વારા વોલઆર્ટ પ્રોજેક્ટનું આયોજન કરવામાં આવી રહ્યું છે. આ એક વાર્ષિક પ્રોજેક્ટ છે, જેમાં વિવિધ ફ્રેન્ચ આર્ટિસ્ટ ભારત આવીને વિશેષ સ્થળો પર પોતાનું ચિત્રકામ પ્રદર્શિત કરે છે.
આ પ્રોજેક્ટના અંતર્ગત, ફ્રેન્ચ કલાકાર એલઝા માર્ટીનો 11 ઓક્ટોબરથી 14 ઓક્ટોબર 2024 સુધી દર્પણ એકેડમી ખાતેની દિવાલ પર પોતાની ચિત્રકલા રજૂ કરશે. આ કાર્યક્રમ દરરોજ સવારે 10:30 થી સાંજે 6:30 વાગ્યા સુધી ચાલશે. એલઝા માર્ટીનો પ્રસિદ્ધ ફ્રેન્ચ વોલ આર્ટિસ્ટ છે, અને તેઓ એટીઝની કલા શૈલીથી દર્પણ એકેડમીની પાછળની દિવાલ, જે ઉસ્માનપુરા રિવરફ્રન્ટ સામે આવેલી છે તેના પર વિશાળ ચિત્ર દોરશે.
આ કાર્યક્રમ સામાન્ય જનતા માટે ખુલ્લો રાખવામાં આવ્યો છે. જેથી કલા પ્રેમીઓ કલાકાર સાથે સીધો સંપર્ક કરી તેમની કલા વિશે વાતચીત કરી શકે.
વિશેષ મહત્વની વાત એ છે કે આ ચોથો વોલઆર્ટ પ્રોજેક્ટ છે. જેમાં વિવિધ શહેરોમાં વિરુદ્ધ દિવાલો પર ફ્રેન્ચ કલા નિર્માણ કરવામાં આવશે.
