મુંબઈઃ બોલીવુડ અભિનેત્રી નેહા ધુપિયા-બેદી આંતરરાષ્ટ્રીય અભિનય ક્ષેત્રે પદાર્પણ કરી રહી છે. તે ઈજિપ્તના જાણીતા દિગ્દર્શક અલી અલ અરબીની આગામી ફીચર ફિલ્મ ‘બ્લૂ 52’માં ચમકશે. ફિલ્મ નિર્માતાઓએ જ આજે આની જાહેરાત કરી છે. આ ફિલ્મ કોચી, ભારત અને કતરની પશ્ચાદભૂમિમાં બનાવવામાં આવી રહી છે.
‘Blue 52’ ફિલ્મમાં આશિષ નામના એક છોકરાની વાર્તા છે જે એના ફૂટબોલ આદર્શ લિયોનેલ મેસ્સીને મળવા માટે ઘર છોડે છે. નેહા ધુપિયાએ આશિષ પાત્રની માતાનો રોલ કર્યો છે. નેહા બોલીવુડમાં ‘ચૂપ ચૂપ કે’, ‘સિંઘ ઈઝ કિંગ’, ‘અ થર્સડે’, ‘ફંસ ગયા રે ઓબામા’ જેવી ફિલ્મોમાં કામ કરી ચૂકી છે.
