જોધપુર – અભિનેત્રી કંગના રણૌતને ‘મણિકર્ણિકાઃ ક્વીન ઓફ ઝાંસી’ ફિલ્મમાં એક સ્ટન્ટ દ્રશ્ય ભજવતી વખતે ઈજા થઈ છે. એને પગની ઘૂંટીમાં ઈજા થઈ છે.
આ ફિલ્મમાં તે રાણી લક્ષ્મીબાઈનો રોલ કરી રહી છે.
સોમવારે શૂટિંગ વખતે ઘાયલ થયેલી કંગના મુંબઈ પાછી આવી ગઈ છે.
કંગનાને એનાં જમણાં પગની ઘૂંટીમાં વાગ્યા બાદ તરત જ એને એક ખાનગી હોસ્પિટલમાં લઈ જવામાં આવી હતી.
કંગના આ ફિલ્મમાં શૂટિંગ વખતે આ બીજી વાર ઘાયલ થઈ છે. અગાઉ, ગયા જુલાઈમાં એને તલવારબાજીની તાલીમ લેતી વખતે કપાળ પર તલવાર વાગતાં ૧૫ ટાંકા આવ્યા હતા.
