નવી દિલ્હી: બોલીવુડ અભિનેત્રી દીપિકા પાદુકોણ તેમની આગામી ફિલ્મ છપાકના પ્રમોશન માટે કપિલ શર્માના કોમોડી શો ધ કપિલ શર્મા શોના સેટ પર આવી હતી. આ દરમ્યાન અભિનેત્રીએ જોરદાર મસ્તી કરીને કેટલીક અંગત વાતો પણ કહી. શો દરમ્યાન કપિલ શર્માએ દીપિકાને પુછ્યું કે શું તે ઘરમાં સામાન્ય ગૃહિણીઓની જેમ જ કામ કરે છે. જેનો દીપિકાએ એવો મજેદાર જવાબ આપ્યો કે શોમાં હાજર તમામ દર્શકો પણ પેટ પકડીને હસવા લાગ્યા.
દીપિકા પાદુકોણે કહ્યું કે, હા હું રોજ દૂધ ખરીદુ છું અને દરરોજની, સપ્તાહની અને મહિનાની ગ્રોસર શોપિંગનું લિસ્ટ પણ બનાવું છું. કપિલ શર્માએ તેમને આગળ પૂછયું કે, શું તે તેમના પતિ રણવીર સિંહના પર્સમાંથી પૈસા કાઢે છે. જેના જવાબમાં દીપિકાએ કહ્યું કે, હા, હું એક સામાન્ય ગૃહિણીની જેમ જ મારા પતિના પર્સમાંથી કીધા વગર પૈસા કાઢી લઉં છું.
મહત્વનું છે કે, એભિનેત્રી દીપિકા પાદુકોણની ફિલ્મ છપાક 10 જાન્યુઆરીએ રિલીઝ થશે. આ ફિલ્મમાં અભિનેત્રીએ એસિડ અટેક પીડિતા લક્ષ્મી અગ્રવાલનો રોલ નિભાવી રહી છે. ફિલ્મમાં દીપિકાની સાથે વિક્રાંત મેસે પણ મહત્વનો રોલ ભજવી રહ્યા છે.
