નવી દિલ્હીઃ આવકવેરા વિભાગે નાણાકીય વર્ષ 2022-23 માટે ITR ફાઇલિંગની છેલ્લી તારીખ જાહેર કરવાની સાથે ITR ફોર્મ પણ ઓનલાઇન ને ઓફલાઇન ઉપલબ્ધ કરાવી દીધાં છે. આવકવેરા વિભાગે ઓનલાઇન ગેમિંગ અથવા લોટરીજી જીતેલી રકમ પર TDS કાપના નિયમોમાં ફેરફાર કરવાની સાથે આવી કમાણીની વિગતો ITRમાં દર્શાવવી ફરજિયાત કરી દીધી છે. આવું નહીં કરવા બદલ વિભાગ કરતાદા પર દંડ પણ લગાવી શકે છે અથવા નોટિસ જારી કરી શકે છે.
નાણાં મંત્રાલયે પહેલી એપ્રિલ, 2023થી ઓનલાઇન ગેમિંગ અથવા લોટરી દ્વારા જીતી ગયેલી રકમ પર TDSની મર્યાદાને દૂર કરી છે. આ નિયમમાં સખતાઈ પછી હવે ઓનલાઇન ગેમ અથવા લોટરીથી કેટેલી કમાણી થશએ, એના પર 30 ટકા TDS કાપ કરવામાં આવશે. માત્ર એ રકમ TDS કાપની બહાર હશે, જે ગેમ અથવા લોટરીમાં પ્રવેશ માટે સંબંધિત કરદાતા તરફથી સંબંધિત ગેમ-લોટરી કંપનીને આપવામાં આવી હોય. અત્યાર સુધી રૂ. 10,000ની વધુની રકમની કમાણી પર TDS આપવાનો હોય છે.
IT નિયમો અનુસાર ITR ફાઇલ કરતા સમયે ઓનલાઇન ગેમિંગ કે લોટરીની કમાણીને અન્ય સ્રોતોથી આવક શીર્ષક હેઠળ દર્શાવવી જરૂરી છે. પછી ભલે ઓનલાઇન ગેમિંગ કમાણીથી TDS કપાઈ ગયો હોય કે નહીં. સંબંધિત કરદાતાએ ITRમાં ગેમિંગનો ખુલાસો નહીં કરવામાં આવે તો બેવડા દરથી TDS કાપવામાં આવશે અને ITની નોટિસનો પણ સામનો કરવો પડી શકે છે.
