મુંબઈઃ ઇન્ડિયન રેલવે ફાઇનાન્સ કોર્પોરેશન (IRFC)એ તેના ચાર અબજ યુએસ ડોલરના મિડિયમ ટર્મ નોટ પ્રોગ્રામ હેઠળ 75 કરોડ યુએસ ડોલરનાં દસ વર્ષીય અને વાર્ષિક 2.8 ટકાનો વ્યાજદર ધરાવતાં બોન્ડ્સ ઇન્ડિયા-INXના ગિફ્ટ IFSC સ્થિત ગ્લોબલ સિક્યોરિટી માર્કેટમાં લિસ્ટ કર્યાં છે. આ પ્રસંગે IFSCAના ચેરમેન ઈન્જેતી શ્રીનિવાસ, IRFCના ચેરમેન અને મેનેજિંગ ડિરેક્ટર અમિતાભ બેનર્જીએ ગિફ્ટ સિટીસ્થિત IFSCમાં બેલ વગાડ્યો હતો. આ ઇશ્યુ ચાર ગણાથી અધિક છલકાઈ ગયો હતો.
આ પ્રસંગે ઇન્ડિયા INXના MD,CEO વી. બાલાસુબ્રહ્મણિયમે કહ્યું હતું કે IFRCને તેના ઇશ્યુની સફળતા બદલ અમારા અભિનંદન છે. અત્યાર સુધીમાં આ પ્લેટફોર્મ પર 50.5 અબજ યુએસ ડોલરના MTN પ્રોગ્રામ સ્થાપિત થયાં છે, તેમાંથી 26.3 અબજ યુએસ ડોલરનાં બોન્ડ્સ લિસ્ટ થયાં છે.
