મુંબઈઃ દેશના સૌથી મોટા મ્યુચ્યુઅલ ફંડ ડિસ્ટ્રિબ્યુટર BSE સ્ટાર MFનો જૂન મહિનાના મ્યુચ્યુઅલ ફંડ ઉદ્યોગના કુલ રૂ. 1882 કરોડના ચોખ્ખા ઈક્વિટી રોકાણ પ્રવાહમાં હિસ્સો રૂ. 214 કરોડનો રહ્યો છે. BSE સ્ટાર MFના ઈતિહાસમાં પ્રથમ વાર એવું બન્યું છે કે બાકીની એસેટ મેનેજમેન્ટ કંપનીઓનું નેટ ઈક્વિટી કલેક્શન નેગેટિવ રહ્યું છે ત્યારે BSE સ્ટાર MF પર નેટ ઈક્વિટી ઇનફ્લો પોઝિટિવ રહ્યો છે. જૂન મહિનામાં મ્યુચ્યુઅલ ફંડ ઉદ્યોગના રૂ 7,266 કરોડમાં સ્ટાર MFનો હિસ્સો રૂ. 5223 કરોડ રહ્યો છે, જે 72 ટકાનો હિસ્સો દર્શાવે છે.
BSE સ્ટાર MF દ્વારા જૂન મહિનામાં રૂ. 22,667 કરોડના 63.15 લાખ ટ્રાન્ઝેક્શન પ્રોસેસ કર્યા હતા. મે મહિનામાં આ પ્લેટફોર્મે ઉદ્યોગના 66 ટકા ટ્રાન્ઝેક્શન પ્રોસેસ કર્યા હતા.
