ન્યૂયોર્કઃ બ્લોકચેન એનાલિટિક્સ પ્લેટફોર્મ ‘ચેનએનાલિસિસ’ના જણાવ્યા મુજબ, ગયું વર્ષ ક્રિપ્ટોકરન્સી ઈન્વેસ્ટરો માટે બહુ ખરાબ રહ્યું હતું, કારણ કે એમાં હેકર્સે ઈન્વેસ્ટરોના 3.8 અબજ ડોલર ચોરી લીધા હતા. 2021માં આ ચોરીનો આંકડો 3.3 અબજ ડોલર હતો.
ગયા વર્ષમાં ઓક્ટોબર મહિનો ક્રિપ્ટોકરન્સી હેકિંગ માટે સૌથી ખરાબ રહ્યો હતો. તે એક જ મહિનામાં જુદા જુદા 32 હુમલા થયા હતા અને હેકર્સ 77 કરોડ 57 લાખ ડોલર ચોરી લેવામાં સફળ થયા હતા.
