વિશ્વની સૌથી મોટી EV કંપનીઓમાંની એક ટેસ્લાના CEO એલોન મસ્કની ભારતની પ્રથમ મુલાકાતે આવવાના હતા. જે બાદ તેમણી આ મુલાકાત ધંધાકિય કારણોથી મોકુફ રાખવામાં આવી છે. ટેસ્લાના CEO એલોન મસ્કની બેઠર PM નરેન્દ્ર મોદી સાથે થવાની હતી જેમાં મોટી ડિલો પર હસ્તાક્ષર થવાના હતા. સમાચારની માહિતી એલોન મસ્કે પોતાના ટ્વીટર (એક્સ) હેન્ડલ પર આપી હતી. એલોન મસ્ક તારીખ 21 અને 22 એપ્રિલે ભારતની મુલાકાતે આવવાના હતા. એલોન મસ્ક ટેસ્લા આ ભારત પ્રવાસ પર ઉત્પાદન એકમ અને સેટેલાઇટ સંચાર સંબંધિત યોજનાઓની જાહેરાત કરવાના હતા. આ સાથે જ મસ્ક ભારતમાં 25 હજાર કરોડ રૂપિયાનું રોકાણ કરવાની યોજના બનાવી રહ્યા છે.
એલોન મસ્કે પોસ્ટ કર્યું
એલોન મસ્કે તેની એક્સ હેન્ડલ પોસ્ટમાં કહ્યું કે કમનસીબે, ટેસ્લાની જવાબદારીઓને કારણે ભારતની મુલાકાતમાં વિલંબ થઈ રહ્યો છે. પરંતુ હું આ વર્ષના અંતમાં પ્રવાસ માટે ખૂબ જ આતુર છું. મળતી માહિતી મુજબ, એલોન મસ્ક 23 એપ્રિલે ટેસ્લાના ત્રિમાસિક પરિણામો જાહેર કરવાના છે. આ તારીખ પહેલેથી જ નક્કી હતી. આવી સ્થિતિમાં ભારતની મુલાકાત બાદ ત્રિમાસિક પરિણામોમાં વિલંબ થવાની સંભાવના હતી. આ જ કારણ છે કે ઈલોન મસ્કે તેમની ભારતની મુલાકાત મોકૂફ રાખી છે. તે વર્ષના અંત સુધીમાં ક્યારે આવશે? આ અંગે હજુ સુધી કોઈ માહિતી પ્રાપ્ત થઈ નથી.
