શેરબજારમાં તેજીની આગેકૂચઃ સેન્સેક્સમાં વધુ 301 પોઈન્ટનો ઉછાળો

અમદાવાદશેરબજારમાં તેજીની આગેકૂચ રહી હતી. ગ્લોબલ માર્કેટના પોઝિટિવ ન્યૂઝ પાછળ શેરોની જાતે-જાતમાં તેજીવાળા ખેલાડીઓની નવી લેવાલી આવી હતી, પરિણામે ટ્રેડિંગ સેશનને અંતે બીએસઈ સેન્સેક્સ 301.09 ઉછળી 33,250.30 બંધ રહ્યો હતો. તેમજ એનએસઈ નિફટી ઈન્ડેક્સ 98.95 ઉછળી 10,265.65 બંધ થયો હતો.એશિયાઈ સ્ટોક માર્કેટની તેજી પાછળ આજે સવારે ભારતીય શેરોના ભાવ અને ઈન્ડેક્સ ઊંચા મથાળે ગેપમાં ખુલ્યા હતા. ત્યાર બાદ નવી લેવાલી ચાલુ રહેતાં ગઈકાલે ઉછાળો આજે વધુ આગળ વધ્યો હતો. મંદીવાળા ઓપરેટરોએ મોટાપાયે વેચાણો કાપ્યા હતા. તેમજ સ્થાનિક નાણાં સંસ્થાઓની ભારે લેવાલી ચાલુ રહી હતી. અને સતત બીજા દિવસે તેજીની આગેકૂચ રહી હતી. આજે તમામ સેકટરના શેરોમાં જોરદાર લેવાલીથી નવો ઉછાળો આવ્યો હતો. નેગેટિવ કારણો વચ્ચે પણ શેરબજારમાં તેજી થતાં માર્કેટ એક્સપર્ટ આશ્યર્ય વ્યક્ત કરતા હતા.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]