મુંબઈ: બીએસઈનાં ઇન્ટરનેશનલ એક્સચેન્જ ઇન્ડિયા ઇન્ટરનેશનલ એક્સચેન્જ (ઇન્ડિયા INX)ને ગોલ્ડ ક્વોન્ટો અને સિલ્વર ક્વોન્ટો ફ્યુચર કોન્ટ્રાક્ટ્સ લોંચ કરવા નિયમનકાર સંસ્થાની મંજૂરી મળી ગઈ છે. ઇન્ડિયા INX પર આ ક્વોન્ટો ફ્યુચર્સ કોન્ટ્રાક્ટ્સમાં ટ્રેડિંગ 31 ઓગસ્ટ, 2020ને સોમવારથી શરૂ થશે.
ગોલ્ડ ક્વોન્ટો ફ્યુચર્સમાં ઇન્ડિયનગોલ્ડ સ્પોટ પ્યોરિટી 995 અને સિલ્વર ક્વોન્ટો ફ્યુચર્સમાં ઇન્ડિયન સિલ્વર સ્પોટ પ્યોરિટી 999નું ટ્રેડિંગ થશે. આ બંને કોન્ટ્રાક્ટના સિમ્બોલ અનુક્રમે GOLDQ અને SILVERQ છે. આ બંને કોન્ટ્રાક્ટ માટે કોન્ટ્રાક્ટ વેલ્યુ (ક્વોટેડ પ્રાઇસ *1) અમેરિકન ડોલર છે, કોન્ટ્રાક્ટ સાઇઝ 1 છે, કિંમતમાં લઘુતમ વધઘટ (ટિક સાઇઝ) 1 છે તથા ટિક વેલ્યુ 1 અમેરિકન ડોલર છે. ગોલ્ડ ક્વોન્ટો ફ્યુચર્સ માટે ક્વોટેશન 10 ગ્રામદીઠ ભારતીય ગોલ્ડની ક્વોટ કરેલી કિંમત (ઉદાહરણ તરીકે બિડ 50000 – 50000 આસ્ક) છે અને સિલ્વર ક્વોન્ટો ફ્યુચર્સ માટે ક્વોટ કરેલી કિલોગ્રામદીઠ ભારતીય સિલ્વરની કિંમત (ઉદાહરણ તરીકે બિડ 60000 – 60001 આસ્ક) છે. બંને ક્વોન્ટો ફ્યુચર્સ માટે ઉપલબ્ધ કોન્ટ્રાક્ટ બાર (12) સીરિયલ મંથલી કોન્ટ્રાક્ટ છે. બંને ક્વોન્ટો ફ્યુચર્સ કોન્ટ્રાક્ટ અમેરિકન ડોલર (US $)માં રોકડમાં સેટલ થશે. ફાઇનલ સેટલમેન્ટ કિંમતની દ્રષ્ટિએ IBJA PM ફિક્સ પર બંને કોન્ટ્રાક્ટ્સ એક્સપાઇરી ડેના રોજ નજીકના રાઉન્ડ ઓફ મૂલ્ય પર સેટલ થશે. ટ્રેડિંગ કલાકો સોમવારથી શુક્રવારના રોજ સવારે 4.30થી સાંજના 5 વાગ્યા સુધી (સેશન 1) તથા સાંજના 5 વાગ્યાથી સવારના 2.30 વાગ્યા સુધી (સેશન 2) રહેશે.
આ ક્વોન્ટો ફ્યુચર્સ કોન્ટ્રાક્ટ્સના લોંચ પર ઇન્ડિયા INXના એમડી અને સીઇઓ વી. બાલાસુબ્રમનિયમે કહ્યું હતું કે, “અમને ગોલ્ડ ક્વોન્ટો અને સિલ્વર ક્વોન્ટો ફ્યુચર્સ કોન્ટ્રાક્ટ્સ લોંચની જાહેરાત કરવાની ખુશી છે. અમારું માનવું છે કે, આ પ્રોડક્ટ્સ વિદેશી કોમોડિટીમાં રોકાણ કરવા માટે બજારના સહભાગીઓને આકર્ષશે અને એમાં વિદેશી બજાર સાથે જોડાયેલું વિનિમય દરનું જોખમ પણ જોડાયેલું નહીં હોય.
