મુંબઈ: દેશના અગ્રણી એક્સચેન્જ BSEએ સતત ચોથા મહિને ઓપ્શન્સ ઈન ગુડ્સ કોન્ટ્રેક્ટ્સના ગોલ્ડની ડિલિવરી સફળતાપૂર્વક પાર પાડી છે. સોનાની ફિઝિકલ ડિલિવરીની સંપૂર્ણ પ્રક્રિયા ગુજરાતના અમદાવાદસ્થિત એક્સચેન્જ નિયુક્ત વોલ્ટ ખાતે પાર પાડવામાં આવી હતી. એક્સચેન્જે ઓપ્શન્સ ઈન ગુડ્સ કોન્ટ્રેક્ટ્સની સિલ્વરની સૌપ્રથમ ડિલિવરી પણ પાર પાડી છે.
આ સિદ્ધિ વિશે BSEના ચીફ બિઝનેસ ઓફિસર સમીર પાટીલે કહ્યું, ઓપ્શન્સ ઈન ગુડ્સના ગોલ્ડ અને સિલ્વરના કોન્ટ્રેક્ટસમાં ઝડપથી લિક્વિડિટી વિકસિત થઈ છે અને તે બુલિયનની વોલેટિલિટી અને ભાવના જોખમને નિવારવા માટેના આદર્શ સાધન બની ગયા છે. હજી તો આ પ્રારંભ છે તેમ છતાં બીએસઈની ઉત્કૃષ્ટ સર્વિસીસને પગલે આ કોન્ટ્રેક્ટ્સમાં લોકોની સામેલગીરી વધી રહી છે. BSE નિઃશુલ્ક ફ્રંટ-એન્ડ ટ્રેડિંગ સોફ્ટવેર અને કો-લોકેશન સર્વિસીસ, શ્રેષ્ઠ રિસ્ક મેનેજમેન્ટ ફ્રેમવર્ક અને વિસ્તૃત પ્રોડક્ટ પોર્ટફોલિયો પૂરા પાડે છે.
BSE ઓક્ટોબર 2020થી બ્યૂરો ઓફ ઈન્ડિયન સ્ટાન્ડર્ડ્સ (BIS) આધારિત ગોલ્ડ કોન્ટ્રેક્ટ્સનું સેટલમેન્ટ અને ડિલિવરી પૂરી પાડે છે. ગુડ ડિલિવરી માટે ગોલ્ડ સ્ટાન્ડર્ડ્સ માત્ર રિફાઈનર્સ માટે જ નહિ પરંતુ દેશના સંપૂર્ણ બુલિયન વેપાર માટે મહત્ત્વના છે. એક્સચેન્જની આ પહેલ દેશને આત્મનિર્ભર બનાવવાની તર્જને સુસંગત છે.
BSEના અવિરત ટ્રેડિંગ પ્લેટફોર્મ પર ઓપ્શન્સ ઈ ગુડ્સ કોન્ટ્રેક્ટ્સ સંલગ્ન ડિલિવરી માળખું ઝવેરીઓ, બુલિયનના વેપારીઓ અને અન્ય સહભાગીઓ અત્યેત લાભકારી અને કિંમતની દૃષ્ટિએ સક્ષમ બની રહ્યું છે. આ કોન્ટ્રેક્ટ દ્વારા સહભાગીઓ માત્ર પ્રાઈસ રિસ્ક હેજ કરી શકે છે એટલું જ નહિ પણ કોન્ટ્રેક્ટની સમાપ્તિ પર ડિલિવરી પણ પ્રાપ્ત કરી શકે છે.
