લોકડાઉનમાં બેન્કોએ રૂ. 5.66 લાખ કરોડની લોન પાસ કરી

નવી દિલ્હીઃ સરકારી બેન્કોએ માર્ચ અને એપ્રિલમાં નાના વેપારી, રિટેલ, કૃષિ અને કોર્પોરેટ સેક્ટરને બધું મળીને કુલ રૂ. 5.66 લાખ કરોડની લોન પાસ કરી દીધી હતી, એમ નાણાં મંત્રાલયે માહિતી આપી છે. નાણાં મંત્રાલયે ટ્વીટ કરીને કહ્યું છે કે લોન લેનારાઓમાં MSME, રિટેલ, કૃષિ અને કોર્પોરેટ સેક્ટર્સ છે. લોકડાઉન ઉઠાવી લેવાયા બાદ આ લોન ઈસ્યૂ કરવામાં આવશે.

લિક્વિડિટી જાળવી રાખવાના પ્રયાસ

મંત્રાલયે જણાવ્યું હતું કે નોન બેન્કિંગ ફાઇનાન્સ કંપનીઓ (NBFC’s) અને હાઉસિંગ ફાઇનાન્સ કંપનીઓ (HFC’s)માં ક્રેડિટ ફ્લો સતત બનેલો છે. ટ્વીટમાં કહેવામાં આવ્યું છે કે એક માર્ચથી ચોથી મે દરમ્યાન સરકારી બેન્કોએ રૂ. 77,383 કરોડની મંજૂરી આપી હતી. ટાર્ગેટેડ લોન્ગ ટર્મ રેપો ઓપરેશન (TLTRO) ફંડ્સને મળીને એ રૂ. 1.08 લાખ કરોડ થયા છે. એનાથી વેપાર-ધંધામાં સ્થિરતા આવશે અને એ આગળ વધી શકશે.

સરકારે અનેક પગલાં લીધાં

દેશભરમાં 14 માર્ચથી લોકડાઉન પછી બધી આર્થિક કામગીરી સંપૂર્ણ રીતે ઠપ છે. એને કારણે કેટલાય પ્રકારના વેપાર સંક્રમણ કાળમાંથી પસાર થઈ રહ્યા છે અને એમાંથી કેટલાક તો બંધ થવાને આરે છે. આને ધ્યાનમાં રાખતાં સરકારે અને રિઝર્વ બેન્કે કેટલાંક પગલાં લીધાં છે.  

રિઝર્વ બેન્કે માર્ચમાં રેપો રેટમાં 75 બેઝિસ પોઇન્ટમો કાપ મૂક્યો હતો, જે પછી એ 4.4 ટકાના દરે આવી ગયો છે. આ સિવાય કેટલાક અન્ય પ્રકારે રિઝર્વ બેન્કે સિસ્ટમમાં રૂ. 3.74 લાખ કરોડની મૂડી નાખવાના પ્રયાસ કર્યા છે. પાછલા મહિને રિઝર્વ બેન્કે રિવર્સ રેપો રેટમાં કાપ કરીને NBFC માટે સ્પેશિયલ લિક્વિડિટીની વ્યવસ્થા કરી હતી.

3.74 લાખ એકાકઉન્ટ્સને મોરિટોરિયમનો લાભ

રિઝર્વ બેન્કે બેન્કો અને નાણાસંસ્થાઓને એ પણ કહ્યું છે કે એ લોન EMI પર ગ્રાહકોને ત્રણ મહિનાની છૂટ આપે. એ એક માર્ચથી 31 મે સુધી માટે હશે. નાણાપ્રદાન નિર્મલા સીતારામનની ઓફિસ દ્વારા ટ્વીટમાં કહ્યું છે કે RBIના મોરિટોરિયમનો લાભ 3.2 કરોડ એકાઉન્ટ્સને મળ્યો છે.

ઇમર્જન્સી ક્રેડિટ લાઇન્સ દ્વારા રૂ. 26,500 કરોડ આપવામાં આવ્યા

એક અન્ય ટ્વીટમાં કહેવામાં આવ્યું છે કે સૂક્ષ્મ, લઘુ અને મધ્યમ સ્તરના વેપાર અને અન્ય પ્રી એપ્રુવ્ડ ઇમરજન્સી ક્રેડિટ લાઇન્સ અને વર્કિંગ કેપિટલ વધારવા માટે સરકારી બેન્કોએ પગલાં લીધાં છે. 20 માર્ચ પછી 27 લાખ ગ્રાહકોનો સંપર્ક કરવામાં આવ્યો અને 2.37 લાખ કેસમાં રૂ. 26,500 કરોડની મંજૂરી આપવામાં આવી. આ સિવાય પણ હજી કામ ચાલુ છે.

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]