મુંબઈઃ વૈશ્વિક ક્રીપ્ટોકરન્સી માર્કેટ હાલ દિશાવિહોણી સ્થિતિમાં છે. આથી 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 મંગળવારે બપોરે ચાર વાગ્યે પૂરા થયેલા ચોવીસ કલાકમાં માત્ર 0.09 ટકા (40 પોઇન્ટ) ઘટીને 42,496 પોઇન્ટ બંધ રહ્યો હતો. ઇન્ડેક્સ 42,536 ખૂલ્યા બાદ 42,977ની ઉપલી અને 42,023ની નીચલી સપાટીએ પહોંચ્યો હતો. ઇન્ડેક્સના ઘટકોમાંથી સોલાના, એક્સઆરપી, પોલકાડોટ અને ચેઇનલિંકમાં વધારો થયો હતો, જ્યારે શિબા ઇનુ, કાર્ડાનો, ઈથેરિયમ અને યુનિસ્વોપ ઘટ્યા હતા.
દરમિયાન, ભારતમાં ક્રીપ્ટોકરન્સીના ટ્રેડિંગમાં પ્રાપ્ત કૅપિટલ ગેઇન પરના ઉંચા કરવેરાને અનુલક્ષીને સ્થાનિક એક્સચેન્જ જિઓટસે ફી વગરનું ટ્રેડિંગ ઓફર કર્યું છે.
