નવી દિલ્હીઃ દિલ્હી વિધાનસભા ચૂંટણીમાં પ્રચાર કરતી વખતે આમ આદમી પાર્ટીના રાષ્ટ્રીય કન્વીનર અને દિલ્હીના ભૂતપૂર્વ CM અરવિંદ કેજરીવાલ પર ચૂંટણી પહેલાં હુમલો કરવામાં આવ્યો છે. તેમની કાર પર હુમલો કરવામાં આવ્યો છે. કેજરીવાલને કાળા ઝંડા બતાવવામાં આવ્યા અને પથ્થરો પણ ફેંકવામાં આવ્યા. આપ પાર્ટીએ આ હુમલાને જવાબદાર ભાજપના નેતા પ્રવેશ વર્માને ગણાવ્યા હતા.
આપ પાર્ટીએ લખ્યું હતું કે ભાજપ પક્ષ ચૂંટણીમાં ડરી ગયો છે. આમ આદમી પાર્ટી દ્વારા X પર એક પોસ્ટ શેર કરી છે, જેમાં કહેવામાં આવ્યું છે કે ભાજપ હારના ડરથી નર્વસ થઈ ગઈ છે. અરવિંદ કેજરીવાલ પર હુમલો કરવા માટે ભાજપને તેના ગુંડા મળી ગયા છે. AAPનો આરોપ છે કે ભાજપના ઉમેદવાર પર્વેશ વર્માના ગુંડાઓએ ચૂંટણીપ્રચાર દરમિયાન અરવિંદ કેજરીવાલ પર ઈંટો અને પથ્થરોથી હુમલો કરીને તેમને ઈજા પહોંચાડવાનો પ્રયાસ કર્યો, જેથી તેઓ પ્રચાર કરી શકે નહીં. આપ પાર્ટીએ કહ્યું હતું કે ભાજપના લોકો- કેજરીવાલ તમારા કાયર હુમલાથી ડરવાના નથી, દિલ્હીના લોકો તમને જડબાતોડ જવાબ આપશે.
हार के डर से बौखलाई BJP, अपने गुंडों से करवाया अरविंद केजरीवाल जी पर हमला‼️
BJP प्रत्याशी प्रवेश वर्मा के गुंडों ने चुनाव प्रचार करते वक्त अरविंद केजरीवाल जी पर ईंट-पत्थर से हमला कर उन्हें चोट पहुंचाने की कोशिश की ताकि वो प्रचार ना कर सकें।
बीजेपी वालों, तुम्हारे इस कायराना… pic.twitter.com/QcanvqX8fB
— AAP (@AamAadmiParty) January 18, 2025
આપ પાર્ટીના કેજરીવાલ પર થયેલા હુમલાના આરોપના જવાબમાં ભાજપના ઉમેદવાર પ્રવેશ વર્માએ કહ્યું હતું કે કેજરીવાલની કાર ભાજપના કાર્યકર્તાઓને કચડતા આગળ વધી ગઈ છે. ભાજપના કાર્યકર્તાનો પગ તૂટી ગયો છે અને એના ખબરઅંતર પૂછવા માટે હું મેડિકલ કોલેજ જઈ રહ્યો છું. આ બહુ શરમજનક છે.
