અમદાવાદઃ ઉદ્યોગપતિ ગૌતમ અદાણીના નેતૃત્વમાં અદાણી જૂથ દરરોજ નવાં પ્રગતિની શિખરો સર કરી રહ્યું છે.અદાણી જૂથ ગુજરાતમાં વાર્ષિક એક મિલિયન ટન PVC પ્લાન્ટ બનાવાની તૈયારી કરી ચૂક્યું છે. ગ્રુપ વિવિધ મંજૂરી અને પ્રોજેક્ટ સ્થાપિત કરવાની સંમતિ સાથે વિભિન્ન ઉત્પાદન પ્રક્રિયા અમલમાં મૂકવાનું વિચારી રહ્યું છે, એમ સૂત્રોએ જણાવ્યું હતું.
અદાણી ગ્રુપની મુખ્ય કંપની અદાણી એન્ટરપ્રાઇઝ લિમિટેડ પેટ્રોકેમિકલ ક્લસ્ટર સ્થાપી રહી છે. આ ક્લસ્ટરમાં કંપની વાર્ષિક એક મિલિયન ટનની ક્ષમતા ધરાવતો PVC ઉત્પાદન પ્લાન્ટ બનાવી રહી છે. આ પ્રોજેક્ટમાં અલગ-અલગ પ્રક્રિયાઓ થકી બનતા એકમોના ઉત્પાદન માટેની ક્ષમતાઓનો સમાવેશ થવાની સંભાવના છે.
ભારતની વાર્ષિક PVC માગ લગભગ ચાર મિલિયન ટન છે, જ્યારે સ્થાનિક ઉત્પાદન ક્ષમતા લગભગ 1.59 મિલિયન ટન છે. ભારતમાં PVCની હાલની ઊંચી માગ અને ઓછા પુરવઠાને ધ્યાનમાં રાખતાં અદાણી પ્રોજેક્ટ પુરવઠા તફાવત અને આયાત નિર્ભરતા ઘટાડવામાં મદદ કરશે. PVC અથવા પોલીવિનાઇલ ક્લોરાઇડ, એક કૃત્રિમ પ્લાસ્ટિક પોલિમર છે જેનો ઉપયોગ પાઇપ અને ફિટિંગથી લઈને બારી અને દરવાજાના ફ્રેમ, કેબલ ઇન્સ્યુલેશન, વિનાઇલ ફ્લોરિંગ અને દીવાલના આવરણ, ક્રેડિટ કાર્ડ અને રમકડાં સુધીનાં ઉત્પાદનોની શ્રેણી બનાવવા માટે વ્યાપકપણે થાય છે.
અદાણીનો પ્લાન્ટ ભવિષ્યમાં માગ વૃદ્ધિ પર વાર્ષિક બે મિલિયન ટન ક્ષમતા સુધી વિસ્તૃત થઈ શકે છે. અદાણી ગ્રુપ ફીડસ્ટોક મેળવવામાં વિશ્વાસ ધરાવે છે, કારણ કે તેના પોર્ટફોલિયો કંપનીઓ સ્થાનિક અને આંતરરાષ્ટ્રીય બજારોમાં વેપાર કરવામાં કુશળતા ધરાવે છે, એમ સૂત્રો કહે છે.
અદાણી જૂથ પાસે સિનર્જી લાભોમાં મુન્દ્રામાં વિપુલ જમીન પાર્સલની ઉપલબ્ધતા, બંદર સુવિધાઓ, કાચો માલ/ઇન્વેન્ટરી હેન્ડલિંગ ખર્ચના સોર્સિંગ માટે લોજિસ્ટિક્સ ખર્ચ તેમ જ સ્થાનિક અને વિદેશી બજારોમાં અંતિમ ઉત્પાદનોના પરિવહન માટે લોજિસ્ટિક્સ ખર્ચને ઑપ્ટિમાઇઝેશન અને પ્રોજેક્ટના સરળ અમલીકરણનો સમાવેશ થાય છે.
અદાણી પોર્ટફોલિયો બંદરો, વીજળી અને લોજિસ્ટિક્સ જેવાં ક્ષેત્રોને સમાવિષ્ટ કરીને મોટા પાયે ઇન્ફ્રાસ્ટ્રક્ચર અને ઔદ્યોગિક પ્રોજેક્ટ્સને સફળતાપૂર્વક કમિશનિંગ અને મેનેજ કરવામાં સફળ ટ્રેક રેકોર્ડ ધરાવે છે, તેમાં વિજ્ઞાન અને ઇજનેરીના સ્નાતકોની વિપુલતા છે.
