વાનખેડે ODIમાં ઓસ્ટ્રેલિયાએ ભારતને 10-વિકેટથી હરાવ્યું…

મુંબઈના વાનખેડે સ્ટેડિયમમાં 14 જાન્યુઆરી, મંગળવારે રમાઈ ગયેલી સિરીઝની પહેલી વન-ડે ઈન્ટરનેશનલ મેચમાં ઓસ્ટ્રેલિયાએ ભારતને 10-વિકેટથી કચડી નાખ્યું હતું અને 3-મેચોની સિરીઝમાં 1-0ની સરસાઈ મેળવી છે. ઓસ્ટ્રેલિયાના કેપ્ટન આરોન ફિન્ચે ટોસ જીતીને પહેલા ભારતને બેટિંગ કરવા કહ્યું હતું. ભારતનો દાવ 49.1 ઓવરમાં 255 રનમાં પૂરો થયો હતો. એના જવાબમાં ઓસ્ટ્રેલિયાએ એકેય વિકેટ ગુમાવ્યા વગર 37.4 ઓવરમાં 258 રન કરીને મેચ જીતી લીધી હતી. ડેવિડ વોર્નર 128 રન અને ફિન્ચ 110 રન કરીને નોટઆઉટ રહ્યો હતો. ભારતના દાવમાં શિખર ધવન 74 રન સાથે ટોપ સ્કોરર રહ્યો હતો.




બીજી વન-ડે મેચ 17 જાન્યુઆરીએ રાજકોટમાં અને ત્રીજી તથા છેલ્લી મેચ 19મીએ બેંગલુરુમાં રમાશે.














































[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]