મુંબઈ: સિદ્ધાંત ચતુર્વેદી અને માલવિકા મોહનન અભિનીત ફિલ્મ ‘યુધ્રા’નું શાનદાર ટ્રેલર લોન્ચ થઈ ગયું છે. આ ફિલ્મમાં સિદ્ધાંત ‘યુધ્રા’નું પાત્ર ભજવી રહ્યા છે જ્યારે રાઘવ જુયાલ ખતરનાક વિલન શફીકનો રોલ કરી રહ્યો છે. વિલન તરીકે રાઘવની આ બીજી ફિલ્મ છે. આ એક એક્શન-થ્રિલર ફિલ્મ છે. તેમાં ઘણી હિંસા જોવા મળે છે. સિદ્ધાંત આ પહેલા ક્યારેય મોટા પડદા પર આ અવતારમાં જોવા મળ્યા નથી. ફિલ્મમાં રોમાન્સ અને એક્શનનું મિશ્રણ બતાવવામાં આવ્યું છે. તેનું બેકગ્રાઉન્ડ મ્યુઝિક પણ ખૂબ પાવરફુલ લાગે છે.
ફરહાન અખ્તર પોતાની એક્સેલ એન્ટરટેઈનમેન્ટ પ્રોડક્શન કંપનીના બેનર હેઠળ આ ફિલ્મ બનાવી રહ્યા છે. તેમજ રિતેશ સિધવાણી તેના કો-પ્રોડ્યુસર છે.’યુધ્રા’એક એક્શન ફિલ્મ છે. અહેવાલો અનુસાર આ ફિલ્મ કોવિડને કારણે મુલતવી રાખવામાં આવી હતી અને હવે તે સિનેમાઘરોમાં રિલીઝ થઈ રહી છે. આ ફિલ્મ 20 સપ્ટેમ્બરે સિનેમાઘરોમાં રિલીઝ થશે.
(તમામ તસવીર: માનસ સોમપુરા)
