વડા પ્રધાન નરેન્દ્ર મોદીએ 26 ફેબ્રુઆરી, મંગળવારે નવી દિલ્હીમાં ISKCON મંદિર ખાતે ગીતા આરાધના મહોત્સવમાં હાજરી આપી હતી અને સૌથી વિરાટ કદ અને વજનના 'ભગવદ્દ ગીતા' ગ્રંથનું વિમોચન કર્યું હતું. આ ગ્રંથ કદમાં 12 ફૂટ લાંબો, 9 ફૂટ પહોળો અને 800 કિલો વજનનો છે. આ પ્રસંગે મોદીએ કહ્યું, ''ભગવદ્દ ગીતા'માં દુનિયાની તમામ સમસ્યાઓનો ઉકેલ છે.'
ઈસ્કોન મંદિરે પહોંચવા માટે વડા પ્રધાન મોદીએ મેટ્રો ટ્રેનમાં સફર કરી હતી. એમને જોઈને પ્રવાસીઓએ સાનંદાશ્ચર્યનો અનુભવ કર્યો હતો.
