પાકિસ્તાનના કબજા હેઠળના કશ્મીર (PoK)માં 24 સપ્ટેંબર, મંગળવારે બપોરે લગભગ 4.30 વાગ્યે જોરદાર ભૂકંપ આવ્યો હતો. રીક્ટર સ્કેલ પર એની તીવ્રતા 6.3ની નોંધાઈ હતી. એનું કેન્દ્રબિંદુ PoKના મિરપુર શહેરની દક્ષિણ-પૂર્વ બાજુએ લગભગ એક કિલોમીટરના અંતરે અને ધરતીમાં 10 કિ.મી. ઊંડે હોવાનું માલૂમ પડ્યું હતું. આ સ્થળ ભારતના શ્રીનગર શહેરથી આશરે 140 કિ.મી. દૂર આવેલું છે. એક અહેવાલ મુજબ, 8 જણનાં મરણ થયા છે અને 100 જેટલા લોકોને ઈજા થઈ છે.
