ગુજરાતના મુખ્ય પ્રધાન વિજય રૂપાણીને ગાંધીનગરસ્થિત એમના સત્તાવાર નિવાસસ્થાન ખાતે સમાજના વિવિધ વર્ગોની બહેનો-માતાઓ, ભારતીય જનતા પાર્ટી મહિલા મોરચાની સભ્યો-કાર્યકર્તાઓ અને તેમજ મહિલા બાળકલ્યાણ ખાતાના રાજ્યપ્રધાન વિભાવરીબહેન દવેએ રાખડી બાંધીને આશિષ અને શુભકામનાઓ વ્યક્ત કરી હતી. દિવ્યાંગ બહેનો પાસે રાખડી બંધાવવા માટે રૂપાણી ખુરશીમાંથી ઉભા થઈ સ્ટેજ પરથી નીચે ઉતરી બહેનો પાસે પહોંચ્યા હતા અને સ્નેહપૂર્વક એમની પાસે રાખડી બંધાવી હતી.
