આજે જમાનો AI સાથે વધુ તાલમેલ મેળવવા માંડ્યો છે. મોટી મોટી ફર્મ પણ ઉમેદવારની અરજી ચકાસવાના કામ સુદ્ધાં માટે AI પર નિર્ભર થવા લાગી છે. હાલમાં જ યુ.કે.માં નોકરી માટેની અરજી કરનાર ઉમેદવારે પોતાની અરજી સબમિટ કર્યાની માત્ર ત્રણ જ મિનિટમાં, એક ફોલો-અપ ઈમેલમાં તેણે ઈમેઈલ મેળવ્યો. જેમાં જાણ કરવામાં આવી હતી કે, તેમની અરજી અસફળ રહી છે!.
નોકરી માટેની અરજી કરનાર ઉમેદવારે પોતાનો અનુભવ reddit.com પર જણાવતાં લખ્યું કે, ‘અરજી માટે કવર લેટર તૈયાર કરવામાં મને નોંધપાત્ર સમય લાગ્યો હતો. તેના લેટરના સંદર્ભમાં નેશનલ ગ્રીડ તરફથી પ્રારંભિક ઈમેલ કન્ફર્મેશન પ્રાપ્ત થયું હતું અને તેમનો રુચિ બદલ આભાર માનવામાં આવ્યો હતો અને જણાવ્યું હતું કે, અરજીઓની 14 દિવસમાં સમીક્ષા કરવામાં આવશે. પરંતુ તેની ત્રણ મિનિટ બાદ તુરંત જ એક ફોલો-અપ ઈમેલ મળ્યો. જેમાં જાણ કરવામાં આવી હતી કે, તેમની અરજી અસફળ રહી છે.’
ઉમેદવારે કેપ્શન સાથે ટ્રેલ મેઇલનો સ્ક્રીનશૉટ શેર કર્યો જેમાં લખ્યું હતું કે, ‘રોલ માટે અરજી કર્યાના 3 મિનિટ બાદ રિજેક્ટ થઈ ગયો. ઓહ, આ તો જાણે મેં બોટ દ્વારા આપમેળે રિજેક્ટ થવા માટે જ કલાકો વિતાવી કવર લેટર લખ્યો હોય! જો કે, વર્તમાન જોબ માર્કેટ મને ગમે છે. યુકે.’
આ ઘટનાએ જોબ હાયરિંગમાં ઓટોમેટેડ સ્ક્રીનીંગ ટૂલ્સ પર વધતી જતી નિર્ભરતા તરફ ધ્યાન દોર્યું છે.
સોશિયલ મીડિયા પર આ ઘટનાએ લોકોમાં ઉશ્કેરાટ ફેલાવી દીધો. જેની જોરદાર પ્રતિક્રિયાઓ આવવા લાગી. એક વ્યક્તિએ લખ્યું, ‘એક સ્થાનિક ખાણની વેબસાઇટ પર ફોર્કલિફ્ટ/ઓપરેટરના કામ માટે કે, જેનો મને 15 વર્ષનો અનુભવ છે. તે માટે મેં મારો 35 મિનિટનો સમય લગાડ્યો અને તાત્કાલિક વળતો ઈમેઈલ મને મળ્યો કે, તમે આ કામ માટે યોગ્ય નથી!’
બીજા એક જણે ટિપ્પણી કરી કે, ‘આ કામ માટે AI, રિઝ્યુમ ચેકિંગ કરે છે. જે આના માટે ચોક્કસ અપેક્ષા અથવા કીવર્ડ્સ શોધે છે. જો તમે તેમાં ફીટ નથી બેસતા, તો સોફ્ટવેર નક્કી કરે છે કે, તમે કામ માટે યોગ્ય નથી અને તે એપ્લિકેશનને આપમેળે જંક કરી દે છે. હવે મોટે ભાગે કંપનીઓમાં આ જ પદ્ધતિ શરૂ થઈ ગઈ છે.’
જ્યારે નેશનલ ગ્રીડે આ વિશિષ્ટ ઘટના પર ટિપ્પણી કરવાનો ઈનકાર કરી દીધો છે. જો કે, તેઓએ પુષ્ટિ કરી હતી કે ઇન્ટરવ્યુ પહેલાં ઉમેદવારોને શોર્ટલિસ્ટ કરવા માટે પ્રી-સ્ક્રીનિંગ પ્રશ્નોનો ઉપયોગ કરવામાં આવે છે. ચોક્કસ પ્રશ્નોના નકારાત્મક જવાબ આપનારા અરજદારોને સિસ્ટમ આપમેળે નકારી શકે છે.
