દિવાળી સ્પેશ્યલ રેસિપી
રોઝ સામા પુડીંગ
સામગ્રીઃ સામો 1 કપ, દૂધ 1 લિટર, ફેંટેલું ક્રીમ, ફળોના ટુકડા (એપલ, કેળા, દ્રાક્ષ, સંતરું) અથવા તમારી પસંદગીના ફળો, કાજુ-પિસ્તા-બદામની કતરણ, એલચી પાવડર, રુહ અફઝા અથવા રોઝ સિરપ 2 ટે.સ્પૂન, સાકર, ગુલાબની પાંખડીઓ
રીતઃ સામાને અડધો કલાક માટે પાણીમાં ભીંજવી રાખો. ત્યારબાદ દૂધને એક કઢાઈમાં ઉકળવા મૂકો. દૂધમાં એક ઉભરો આવે એટલે પલાળેલો સામો ઉમેરીને દૂધને ઉકળવા દો. જ્યાં સુધી દૂધનું પ્રમાણ અડધું થઈ જાય. તવેથા વડે દૂધને સતત હલાવતાં રહેવું, નહીંતર સામો તળિયે ચોંટી જશે.
દૂધ ઉકળીને અડધું થઈ જાય એટલે તેમાં સૂકામેવાની કતરણ, સાકર તેમજ એલચી પાવડર મેળવીને 5 મિનિટ બાદ ગેસ બંધ કરી દો.
દૂધ એકદમ ઠંડું થયા બાદ તેમાં ફેંટેલું ક્રીમ, રોઝ સિરપ, પસંદગીના ફળોના ટુકડા, ગુલાબની પાંખડીઓ ઉમેરીને રેફ્રીજરેટરમાં 2-3 કલાક માટે રાખ્યા બાદ ઠંડું પીરસો.
(રીના મોહનોત)
(સાયન્સ ગ્રેજ્યુએટ રીના મોહનોતને એમની પેશન રાજસ્થાની રસોઈકળા તરફ દોરી ગઈ અને નિર્માણ થયું ક્લાઉડ કિચન, ધોરા! જે અમદાવાદના સ્વાદ રસિયાઓને પીરસે છે અસલ પરંપરાગત રાજસ્થાની સ્વાદિષ્ટ વાનગીઓ! અનેક કઠિનાઈ, પેન્ડેમિકનો ફટકો સહીને પણ ક્લાઉડ કિચન ચાલુ રાખવાના મક્કમ નિર્ધારને કારણે રીનાબહેન, ટાઈમ્સ ફુડ એવોર્ડ, રાષ્ટ્રવ્યાવી મેરીટ એવોર્ડ અને મહિલાપ્રેન્યોર જેવા અનેક એવોર્ડના સતત વિજેતા રહ્યાં છે!)
