સાવ સરળ અને ગણતરીની મિનિટોમાં ઝટપટ બની જતો બાળકોને ભાવે તેવો નાસ્તો એટલે મિની પોટેટો બોલ્સ!
સામગ્રીઃ
- બાફેલા બટેટા 3
- ચપટી હીંગ
- સ્વાદ મુજબ મીઠું
- કોર્નફ્લોર 4 ટે.સ્પૂન
- મરચાં પાઉડર 1 ટી.સ્પૂન
- તળવા માટે તેલ
રીતઃ બટેટાને છોલીને ટુકડા કરીને પાણીમાં બાફી લો. ત્યારબાદ તેમાંનું પાણી નિતારીને તેનો મેશર વડે છૂંદો કરી લો.
હવે તેમાં સ્વાદ મુજબ મીઠું, કોર્નફ્લોર, ચપટી હીંગ તેમજ મરચાં પાઉડર મેળવીને નાના નાના ગોળ બોલ્સ બનાવી લો.
એક કઢાઈમાં તેલ ગરમ કરી લો. તેલ ગરમ થાય એટલે ગેસની આંચ ધીમી-મધ્યમ કરીને મિની પોટેટો બોલ્સ તળી લો.
તૈયાર પોટેટો બોલ્સ ટોમેટો કેચ-અપ સાથે પીરસો.
