સમુદ્રમાં સોનાની દ્વારકા શોધવાનું કામ નિષ્ણાતોને સોપ્યું છેઃ PM મોદી

0
3135

દ્વારકા– પીએમ નરેન્દ્ર મોદીએ દ્વારકાથી બેટદ્વારકા જવા માટે સિગ્નેચર બ્રિજનું ખાતમુહૂર્તની તકતીનું અનાવરણ કર્યા પછી જાહેરસભાને સંબોધન કરતાં કહ્યું હતું કે સમુદ્રના પેટાળમાં સોનાની દ્વારકા શોધવાનું કામ નિષ્ણાતોને સોપ્યું છે. તેમજ તેમણે મરીન પોલીસને ટ્રેનિંગ આપવાની ઈન્સ્ટિયુટ પણ દ્વારકામાં સ્થાપવાની અતિમહત્વની જાહેરાત કરી હતી.

પીએમ નરેન્દ્ર મોદીએ દ્વારકાધિશજીના દર્શન કર્યા પછી દ્વારકાથી બેટ દ્વારકા જવા પરના સિગ્નેચર બ્રિજનું ખાત મુહૂર્ત કર્યું હતું. અને જાહેરસભામાં ઉપસ્થિત રહ્યા હતા. કેન્દ્રીય પરિવહનપ્રધાન નિતીન ગડકરીએ માહિતી આપી હતી કે બેટ દ્વારકા પર બનનાર બ્રિજની ડિઝાઈન પીએમ મોદીનો આઈડિયા છે. નરેન્દ્ર મોદીએ વર્ષો અગાઉ બેટ દ્વારકા દર્શન કરવા જતા ભાવિક ભક્તોની મુશ્કેલીઓ જાણી હતી. અને તેને પરિવહનપ્રધાન નિતીન ગડકરી સમક્ષ વર્ણવી હતી, પરિણામે હવે બ્રિજ બનવા જઈ રહ્યો છે, અને મોદીનું સ્વપ્ન પુરુ થવા જઈ રહ્યું છે. બેટ દ્વારકા પર સિગ્નેચર બ્રિજ બનવા જઈ રહ્યો છે તે આંતરરાષ્ટ્રીય કક્ષાનો હશે. લોકો આ બ્રિજ જોવા માટે આવશે. બ્રિજ પર સોલર પેનલ લગાવાશે. અને આ બ્રિજ ફોર લેન હશે.સિગ્નેચર બ્રિજ 900 મીટર લાંબો હશે. આ બ્રિજ દ્વારકા અને બેટદ્વારકાને જોડશે.પીએમ નરેન્દ્ર મોદીનું સંબોધન

  • જય દ્વારકાધિશ કરીને સંબોધનની શરૂઆત
  • કેવું લાગે છે…
  • નવી ચેતના, નવા ઊંમગ.. દેખાઈ રહ્યો છે દ્વારકામાં
  • આજે મે દ્વારકાનો અનોખો મૂડ જોયો છે
  • આજે મને દ્વારકામાં નવી ચેતનાનો અનુભવ થયો છે.
  • ભૂતકાળમાં જોયું હશે કે કેન્દ્ર સરકાર ગુજરાત પર કેવું વર્તન કરતી હતી
  • બેટદ્રારકાવાસીઓની સમસ્યાઓનું નિરાકરણ આવશે.
  • દેશભરના યાત્રીઓ માટે બહુ મોટી ભેટ બની રહેશે.
  • આજે દ્વારકા નગરીમાં જે બ્રિજના કામનો આરંભ થઇ રહ્યો છે તે ફક્ત બેટ દ્વારકા સુધી પહોંચતો બ્રિજ નથી, તે સાંસ્કૃતિક વારસાને જોડતી કડી છે.
  • આ બ્રિજ દેશભરમાંથી આવનાર યાત્રિકો માટે એક સુવિધા બની રહેશે. આ બ્રિજ ટુરિઝમ ક્ષેત્રના વિકાસને પ્રોત્સાહન આપશે
  • આજથી 8-10 વર્ષ પહેલાની અને અત્યારની દ્વારકામાં તફાવત જોઈ શકાય છે. અમે વિકાસને પ્રાથમિકતા આપી છે.
  • રોડ નિર્માણ સાથોસાથ આર્થિક નિર્માણ પણ થાય તે દિશામાં ભારત સરકાર કાર્ય કરી રહી છે.
  • દરેક ભારતીય દુનિયાની સામે ગર્વપૂર્વક ઉભો રહી શકે તે સ્વપ્ન સવા સો કરોડ દેશવાસીઓનું છે જેને સાકાર કરવા માટે હું મહેનત કરી રહ્યો છું
  • 1600 કિમીનો સમુદ્રીતટ બ્લ્યુ ઇકોનોમીની બહોળી સંભાવના ધરાવે છે. બંદરોનો વિકાસ અને બંદરો થકી વિકાસ તે મારુ ધ્યેય છે.
  • માછીમારની આવક 3-4 ગણી વધી શકે છે. વિકાસ થતાં લોકોને રોજગારી મળતી થઈ છે.
  • પર્યટન એ કોઈ એક ખૂણાનો વિકાસ કરવાથી નથી થતું પણ તે કનેક્ટિવિટી થકી જ શક્ય છે
  • પાણીની ટાંકીનું ઉદ્ઘાટન કરવા આવેલા માધવસિંહ સોલંકીનો ફોટો છાપામાં આવેલો અને અમે 6000 કરોડના પ્રોજેક્ટનું ખાતમુહૂર્ત કરી રહ્યા છે.
  • આજે કંડલાનો વિકાસ ભારત સરકારમાં જેટલો થયો છે, એટલો પાછલા 25 વર્ષોમાં નથી થયો.
  • દેશના મરીન પોલીસને ટ્રેનિંગ અપાશે
  • સમુદ્ર તટની સુરક્ષા વધારાશે
  • મરીન પોલીસનું ટ્રેનિંગ ઈન્સ્ટીયૂટની સ્થાપના દ્વારકામાં સ્થપાશે.
  • દ્વારકાના ગુજરાતના સમુદ્રી તટ પર દેશની પ્રથમ મરિન પોલીસ ટ્રેઇનિંગ ઇન્સ્ટિટ્યૂટનું નિર્માણ કરવામાં આવશે
  • સમુદ્રની અંદર જઈને સોનાની દ્વારકાને શોધવાની છે, મે કેટલાક નિષ્ણાત લોકોને એનું કામ સોપ્યું છે.
  • વિકાસ એમ નેમ ન થાય, દીર્ઘ દ્રષ્ટિ અને સંકલ્પ જોઈએ, જી જાન લગાવીને કામ થાય ત્યારે વિકાસ થાય
  • જીએસટીમાં રાહત આપવાથી દેશમાં પંદર દિવસ પહેલા દિવાળી ઉજવાઈ રહી છે.
  • GST દેશના દરેક ખૂણે સ્વાગત થયું છે, જયારે સરકાર પર વિશ્વાસ હોય, નિર્ણયોમાં ઈમાનદારી હોય. તો દેશ મુશ્કેલીઓ હોવા છતાં પણ એકસાથે જોડાઈ જાય છે.
  • આજે સમગ્ર વિશ્વનું ધ્યાન ભારત પર છે. દેશના વિકાસમાં ગુજરાત મહત્વની જવાબદારી નિભાવી રહ્યું છે.
  • જય દ્વારકાધિશ કહીને સંબોધનનો અંત

સીએમ વિજય રૂપાણીનું સંબોધન

  • કેન્દ્રની મોદી સરકારે જીએસટીમાં રાહત આપી છે.
  • ગુજરાતના વેપારીઓ વતી પીએમ નરેન્દ્ર મોદીનો આભાર
  • નર્મદા ડેમથી ગુજરાતને લાભ થયો છે. જેમાં પીએમ મોદીએ ડેમના દરવાજાની ઊંચાઈની તમામ મંજૂરીઓ અપાવીને સરદાર સરોવર ડેમ રાષ્ટ્રને અર્પણ કર્યો છે.
  • અમદાવાદને હેરિટેજ સિટીનો દરજ્જો મળ્યો છે.
  • મોદીજીને હું ખાત્રી આપું છું કે હું ગુજરાત છું… હું વિકાસ છું… આપના સ્વપ્નાનું ગુજરાત બની રહ્યું છે.
  • ગુજરાતમાં નેશનલ હાઈવેનું કામ ચાલી રહ્યું છે.

કેન્દ્રીય પરિવહનપ્રધાન નિતીન ગડકરીનું સંબોધન

  • પીએમ મોદીજીનું બેટ દ્વારકા જવા સિગ્નેચર બ્રિજનું સ્વપ્ન આજે પુરુ થવા જઈ રહ્યું છે.
  • સિગ્નેચર બ્રિજ 30 મહિનામાં પુરો થશે.
  • બ્રિજ પર સોલર પેનલ લગાવીને સુંદર લાઈટીંગ કરાશે.
  • સાગરમાલામાં 1 લાખ કરોડનું રોકાણ કરશે.
  • 1 લાખ કરોડના રોડ ગુજરાતમાં બનશે.
  • ન્યૂ ઈન્ડિયાની સાથે ગુજરાત પણ વિકાસની ઊંચાઈઓ સર કરી રહ્યું છે.