ફિક્કી ‘ઈન્ડિયા કેમ 2018’, ગુજરાત માટે 100 અબજ ડોલરનો લક્ષ્યાંક

0
1740
અમદાવાદ: ફેડરેશન ઓફ ઈન્ડિયન ચેમ્બર ઓફ કોમર્સ એન્ડ ઈન્ડસ્ટ્રી (ફીક્કી) અમદાવાદ દ્વારા ભારત સરકારના રસાયણ અને પેટ્રો રસાયણ  વિભાગના સહયોગથી ઈન્ડિયા કેમ 2018ના કર્ટેઈન રેઝર તરીકે  ‘ઈન્ડસ્ટ્રી મીટ- કેમિકલ્સ એન્ડ પેટ્રોકેમિકલ્સ- એડવાન્ટેજ ઈન્ડિયા’ નું આયોજન કર્યું હતું. ઈન્ડિયા કેમ 2018 એ દર બે વર્ષે યોજાતા પ્રદર્શન અને કોન્ફરન્સની 10મી એડિશન છે, જે ભારતના રસાયણ અને પેટ્રોરસાયણ ઉદ્યોગમાં સૌથી મોટો સમારંભ ગણાય છે.

આ સમારંભનું આયોજન બોમ્બે એક્ઝીબિશન સેન્ટર, મુંબઈ ખાતે તા.4 થી 6 ઓક્ટોબર, 2018ના રોજ યોજાશે.  આ સમારંભમાં થયેલી વ્યાપક ચર્ચામાં આ ક્ષેત્રની વર્તમાન સ્થિતિની સાથે સાથે ભાવિ સંભાવનાઓ અંગે પણ ચર્ચા થઈ હતી અને વૃદ્ધિના માર્ગે કઈ રીતે આગળ ધપવું તેનો પરામર્શ થયો હતો.

આ સમારંભ રાઘવેન્દ્ર રાવ,સચીવ, કેમિકલ અને પેટ્રોકેમિકલ વિભાગ, ભારત સરકારના અધ્યક્ષસ્થાને યોજાયો હતો. આ પ્રસંગે જે અન્ય મહાનુભવોએ પ્રવચન આપ્યાં હતાં.રાઘવેનદ્ર રાવે આ પ્રસંગે જણાવ્યું હતું કે ”   ભારતમાં કેમિકલ પ્રોડકટસની રૂ. 3 લાખ કરોડ જેટલી આયાત અને નિકાસ થાય છે., જેમાં નિકાસનો હિસ્સે આંદાજે 2 લાખ કરોડ જેટલો છે.  આપણે આ ઉણપ પૂરી કરવા  અને એશિયામાં કેમિકલ અમને પેટ્રોકેમિકલ ઉદ્યોગનુ હબ બનવા માટે પ્રયાસ કરી રહ્યા છીએ.  આપમે એ બાબતની પણ ખાત્રી રાખવા માગીએ છીએ કે આપણાં રસાયણોનાં ધોરણો આંતરરાષ્ટ્રીય સ્ટાન્ડર્ડ મુજબનાં હોય.  આમછતાં, હાલના સંજોગોમાં વિકાસની તુલનામાં પર્યાવરણને વિશેષ મહત્વ આપવામાં આવશે ”

આ સમારંભ નેશનલ કેમિકલ પોલિસી, પ્લાસ્ટીક પોલિસી, પેટ્રોલિયમ, કેમિકલ્સ અને પેટ્રોકેમિકલ્સ રિજીયન્સ, (પીસીપીઆઈઆર) અને ઈન્ડિયા કેમ 2018 ના સંદર્ભમાં મહત્વનો બની રહેશે.ગુજરાત દ્વારા જે ભૂમિકા બજાવવામાં આવી રહી છે તેનો ઉલ્લેખ કરતાં ડી.સી, મહેતાએ જણાવ્યું કે ” ગુજરાત ભારતના રસાયણ ઉદ્યોગમાં બે તૃતીયાંશ હિસ્સો ધરાવે છે.  આથી સ્વાભાવિક છે કે  ગુજરાતના રસાયણ ઉદ્યોગમાં જે કાંઈ ફેરફારો થશે તે નાથી સમગ્ર દેશના કેમિકલ ઉદ્યોગમાં  ભારે અસર થશે. આંતરરાષ્ટ્રીય સ્તરે  ચીન રસાયણ ઉદ્યોગના 40 ટકા હિસ્સાને નિયંત્રિત કરે છે, જ્યારે ભારતનુ યોગદાન માત્ર 3 ટકા છે. ચીનમાં એકમો બંધ થયાં હતાં તે સંદર્ભમાં ભારતમાં  છેલ્લાં થોડાં વરસ ઉદ્યોગ માટે મુશ્કેલીનાં હતાં. પરંતુ ભારતની બાબતમાં સ્થિતિ હકારાત્મક છે.  ભારતના કેમિકલ સેકટરનુ બજાર 160 અબજ ડોલરનુ ગણવામાં આવે છે જ્યારે  ગુજરાતનુ બજાર 60 થી 70 અબજ ડોલરનુ ગણાય છે.  આગામી થોડાંક વર્ષોમાં  ગુજરાત 100 અબજ ડોલરના આંક સુધી પહોંચી જશે. ”

ફીક્કી ગુજરાત સ્ટેટ કાઉન્સિલના પ્રેસીડેન્ટ  રાજીવ વસ્તુપાલે જણાવ્યું કે “કેમિકલ અને પેટ્રોકેમિકલ ઉદ્યોગે  પર્યાવરણની જાળવણી થાય અને વૃધ્ધિ જળવાઈ રહે તેવી ટેકનોલોજીમાં રોકાણ કરીને પર્યાવરણલક્ષી  વિકાસને પ્રાધાન્ય આપવુ જોઈએ. આ ઉપરાંત ક્લસ્ટર તરીકે માળખાગત સુવિધાઓની વહેંચણી કરવાથી  એકંદર ખર્ચ તો ઘટશે જ પણ સાથે સાથે બહેતર મોનીટરીંગ થઈ શકશે. ”

કદની દ્રષ્ટિએ વાત કરીએ તો ભારતનો કેમિકલ ઉદ્યોગ વિશ્વમાં 7મા ક્રમે છે અને એશિયામાં ત્રીજુ સ્થાન ધરાવે છે. તેનું કદ 139 અબજ ડોલર જેટલું છે. ત્યારે ગુજરાત કેમિકલ અને પેટ્રો કેમિકલ ક્ષેત્રમાં મોખરાને સ્થાને રહી ઉદ્યોગ માટે પથ પ્રદર્શક બની રહ્યું હોવાનું જણાવવામાં આવ્યું હતું.