હઝીરાઃ આર્સેલર મિત્તલ નિપ્પોન સ્ટીલ ઇન્ડિયા (AM/NS India)નો હજીરા સ્થિત ફ્લેગશિપ પ્લાન્ટ એન્જિનિયરિગની અજાયબી ગણાતા અંજી ખાડ બ્રિજના નિર્માણમાં મહત્વપૂર્ણ ભૂમિકા અદા કરી ગર્વ અનુભવે છે, જ્યાં રેલવે દ્વારા તાજેતરમાં જ પ્રથમ લોડેડ ટ્રેનનો ટ્રાયલ રન સફળતાપૂર્વક પૂર્ણ કરવામાં આવ્યો છે. ભારતના પ્રથમ અને એકમાત્ર કેબલ-સ્ટેયડ રેલ બ્રિજ માટે 100 ટકા ફ્લેટ સ્ટીલ (7000 મેટ્રિક ટન)નો પુરવઠો પૂરો પાડ્યો છે, જેમાં મહત્તમ સ્ટીલનો ઉપયોગ કરીને નિર્માણ કાર્ય હાથ ધરવામાં આવ્યું છે.
જમ્મુ અને કાશ્મીરમાં ઉધમપુર-શ્રીનગર-બારામુલ્લા રેલ લિંક (USBRL)ના કટરા અને રિયાસી વિભાગને જોડતો, અંજી ખાડ બ્રિજ – એક ભારતીય બહુરાષ્ટ્રીય એન્જિનિયરિંગ અને બાંધકામ કંપની દ્વારા નિર્માણ કરવામાં આવ્યો છે, જે નવીનતા અને અનુકૂલનક્ષમતાનું પરિણામ છે.
દેશના ઉત્તરીય ભાગ કે જ્યાં પ્રખ્યાત ચેનાબ નદી ભૂ-પ્રદેશમાંથી પસાર થાય છે, ત્યાં એન્જિનિયરિંગ ક્ષેત્રની અજાયબી સમાન અંજી ખાડ બ્રિજ દેશમાં નિર્માણ થઈ રહેલા અદભુત ઈન્ફ્રાસ્ટ્રક્ચરને જ એકમાત્ર વ્યાખ્યાયિત નથી કરતું, પરંતુ PM નરેન્દ્ર મોદી દ્વારા કલ્પના કરાયેલા ‘વિકસિત ભારત’ તરફના માર્ગને પણ રેખાંકિત કરે છે.
કેન્દ્રીય રેલ મંત્રીએ સોશિયલ મીડિયા પ્લેટફોર્મ X પર આ સફળ ટ્રાયલ રનનો હાલમાં જ એક વિડિયો શેર કર્યો હતો.
First loaded train trial run through USBRL tunnel no. 1 and Anji Khad cable bridge.
📍J&K pic.twitter.com/kL5RTU9TMQ
— Ashwini Vaishnaw (@AshwiniVaishnaw) December 28, 2024
કંપનીના (સેલ્સ અને માર્કેટિંગ) ડિરેક્ટર અને વાઈસ પ્રેસિડેન્ટે ગર્વથી જણાવ્યું હતું કે ગુજરાતના હજીરા સ્થિત અમારા ફ્લેગશિપ પ્લાન્ટથી અમને આ એન્જિનિયરિંગ અજાયબી માટે વર્લ્ડ-ક્લાસ સ્ટીલ પૂરું પાડવાની જે તક મળી તે અમારા માટે ખૂબ મોટા સન્માનરૂપ છે. અમારી ટીમે ઝીણવટપૂર્વક ફેબ્રિકેશનનું કાર્ય પાર પાડ્યું છે અને આ પ્રોજેક્ટની જરૂરિયાતોને પૂર્ણ કરવા માટે વિશિષ્ટ ધારાધોરણોનું પાલન કર્યું છે. આ પરિવર્તનકારી ઈન્ફ્રાસ્ટ્રક્ચર પ્રોજેક્ટના નિર્માણ માટે પ્રતિષ્ઠિત જાહેર અને ખાનગી હિતધારકો સાથેનું અમારું સમન્વય ‘વિકસિત ભારત’ માટેના લક્ષ્યાંકને હાંસિલ કરવાની અમારી ક્ષમતાઓને પ્રકાશિત કરે છે. એકબીજાની શક્તિઓનો ઉપયોગ અને કુશળતાની વહેંચણી કરીને, અમે માત્ર ઈન્ફ્રાસ્ટ્રક્ચરનું નિર્માણ નથી કરી રહ્યા, અમે ઉજ્જવળ ભવિષ્ય માટે વધુ આત્મનિર્ભર અને સમૃદ્ધ ભારતનું નિર્માણ કરી રહ્યા છીએ, એમ તેમણે જણાવ્યું હતું.
મુખ્યમંત્રી ભૂપેન્દ્ર પટેલે ગુજરાત ખેલકૂદ નીતિ-2016 અન્વયે એશિયન પેરા ગેમ્સની પુરુષો માટેની ચેસની રમતમાં ગોલ્ડ મેડલ વિજેતા પ્રજ્ઞાચક્ષુ યુવાન દર્પણ ઇનાણીને સ્પોર્ટ્સ ઓથોરિટી ઓફ ગુજરાત, ગાંધીનગરમાં આસિસ્ટન્ટ ડાયરેક્ટર વર્ગ-1 તરીકે તથા મહિલાઓ માટેની ચેસમાં બ્રોન્ઝ મેડલ પ્રાપ્ત કરનાર પ્રજ્ઞાચક્ષુ હિમાંશી રાઠીને તાલુકા વિકાસ અધિકારી વર્ગ-2 તરીકે નિમણૂક આપવા મંજૂરી આપી છે.
વિશ્વસ્તરીય રમત-ગમતમાં વિશિષ્ટ સિદ્ધિ મેળવનારા પ્રતિભા સંપન્ન ખેલાડીઓને રાજ્ય સરકાર નિમણૂક આપી રહી છે. તે જોતાં વધુને વધુ ખેલાડીઓને ઉત્કૃષ્ટ પ્રદર્શન કરવા માટે પ્રેરણા મળશે.
સુરત APMCમાંથી પ્રતિબંધિત 10 લાખની કિંમતનું 2,150 કિલો પ્રતિબંધિત ચાઈનીઝ લસણ પકડાયું છે. ખેડૂતોની આજીવિકાના રક્ષણ માટે 2014થી ચાઈનિઝ લસણના વેચાણ પર પ્રતિબંધ છે. ચાઈનિઝ લસણનું કદ નાનું, રંગ આછો સફેદ અથવા આછો પિંક કલર હોય છે. ભારતમાં મોટા પ્રમાણમાં ગેરકાયદેસર રીતે નેપાળના રસ્તે ચાઇનીઝ લસણની સપ્લાય કરવામાં આવી રહી છે. ચાઇનીઝ લસણ પર હાનિકારક કેમિકલ્સનો ઉપયોગ કરવામાં આવે છે.
સુરત એ.પી.એમ.સી.નાં બોર્ડ ઓફ ડાયરેકટર બાબુભાઈ શેખ કહે છે, “લસણના ભાવ વધી રહ્યા હોવાથી ચીનથી ભારતમાં લસણ ઘુસી રહ્યું છે. સરકારની ગાઈડ લાઈન પ્રમાણે આ લસણ સ્વાસ્થ્ય માટે હાનિકારક છે. તેમાં દવાનો ઉપયોગ થાય છે. આપણા ખેડૂતોને ભાવ ન મળતાં આ વખતે ઓછું વાવેતર કર્યું છે. ત્યારે ચાઈનિઝ લસણની શંકાસ્પદ રીતે તપાસ કરતા જથ્થો પકડાયો હતો, જેનો નાશ કર્યો હતો.”
એનીએ અગાઉ પણ કરી હતી ફરિયાદ
અમદાવાદ શહેર પોલીસ કમિશનર જી.એસ. મલિકે આજે કડક વલણ અપનાવ્યું છે. તેમાં પણ ખાસ કરીને બાપુનગર વિસ્તારમાં બનેલી જે ઘટના હતી તેમાં પોલીસને શર્મશાર બનવું પડ્યું હતું. આ કારણોસર રાજ્યવ્યાપી અમદાવાદ પોલીસની ઈમેજને નુકસાન થયું હતું. આ વિસ્તારમાં કાયદો અને વ્યવસ્થાની જવાબદારી જે લોકો પાસે હતી, તે નબળા સાબિત થયા અને તમામ વિગતો જાણી બાપુનગર વિસ્તારના બે PSI અને ચાંદખેડાના એક PSIની તાત્કાલિક કે કંપનીમાં બદલી કરી દેવામાં આવી છે. આ ઉપરાંત PCB દ્વારા અલગ-અલગ વિસ્તારમાં રેડ કરીને કાર્યવાહી કરતા તે વિસ્તારના પોલીસ કર્મચારીઓ સામે પણ એક્શન લેવામાં આવ્યા છે. શહેરના અલગ-અલગ પોલીસ સ્ટેશનના 19 જેટલા પોલીસ કર્મચારીઓની પણ ‘કે કંપની’માં બદલી કરી નાખવાનો ઓર્ડર કરવામાં આવ્યો છે.
હાલમાં જ ટ્રમ્પના સ્પેશિયલ દૂત સ્ટીવન ચાર્લ્સ વિટકોફ મિડલ ઈસ્ટથી પરત ફર્યા છે. તેમણે પત્રકારોને કહ્યું હતું કે બંધકોની મુક્તિમાં વિલંબ કયા કારણોસર થયો તે અંગે હું વાત કરવા માગતો નથી. નેગેટિવ હોવાનો કોઈ અર્થ નથી. હું વધારે કંઈ કહેવા માગતો નથી, કારણ કે મને લાગે છે કે કતારમાં સારું કામ થઈ રહ્યું છે.