લોકસભા ચૂંટણી વચ્ચે હરિયાણામાં સત્તારૂઢ ભાજપ સરકારને મોટો ઝટકો લાગ્યો છે. આને કારણે, મંગળવારે ત્રણ અપક્ષ ધારાસભ્યોએ જાહેરાત કરી કે તેઓએ રાજ્યમાં નાયબ સિંહ સૈનીની આગેવાની હેઠળની સરકારને સમર્થન પાછું ખેંચી લીધું છે. ત્રણ ધારાસભ્યો સોમબીર સાંગવાન, રણધીર ગોલેન અને ધરમપાલ ગોંદરે પણ કહ્યું કે તેઓએ ચૂંટણી દરમિયાન કોંગ્રેસને સમર્થન આપવાનો નિર્ણય કર્યો છે.
ત્રણેય ધારાસભ્યોએ રોહતકમાં હરિયાણાના પૂર્વ મુખ્યમંત્રી ભૂપિન્દર સિંહ હુડ્ડા અને રાજ્ય કોંગ્રેસ અધ્યક્ષ ઉદય ભાનની હાજરીમાં યોજાયેલી પ્રેસ કોન્ફરન્સમાં આ જાહેરાત કરી હતી. અપક્ષ ધારાસભ્ય ગાઉન્ડરે કહ્યું, અમે સરકારમાંથી સમર્થન પાછું ખેંચી રહ્યા છીએ. અમે કોંગ્રેસને અમારું સમર્થન આપી રહ્યા છીએ. અમે ખેડૂતોના મુદ્દાઓ સહિત વિવિધ મુદ્દાઓ પર આ નિર્ણય લીધો છે.
રાણીપના બલોલ નગરથી વડાપ્રધાન નરેન્દ્ર મોદી અને અમિત શાહ પગપાળા મતદાન મથક સુધી લોકોનું અભિવાદન ઝિલતા ઉમળકા સાથે પહોંચ્યા હતા. નિશાંત સ્કૂલમાંથી જ્યારે નરેન્દ્ર મોદી મતદાન કરીને પરત ફર્યા ત્યારે લાગણીસભર દ્રશ્યો સર્જાયા. પ્લેકાર્ડ લઇને ઉભેલા બાળકોને જઇને મળ્યા. બાળકોને વ્હાલથી માથે હાથ ફેરવી સાંત્વના આપી.. ઓટોગ્રાફ આપ્યા હતા.
સોસાયટીના નાકે પાળી પર કલાકોથી વડાપ્રધાનને મળવાની રાહ જોતી અને પોતે બનાવેલું ચિત્ર બતાવવા આતુર બાળકી તરફ નજર પડતાં જ વડાપ્રધાન એની નજીક ગયા. રેલિંગની પેલે પારથી બાળકીએ બનાવેલું નરેન્દ્ર મોદીનું ચિત્ર લઇ એની પર પેનથી વડાપ્રધાને ઓટોગ્રાફ આપ્યો. બાળકી અને નરેન્દ્રભાઇના ચાહકો વડાપ્રધાનની બાળકો પ્રત્યેની લાગણી જોઇ ભાવવિભોર થઇ ગયા.
સામાન્ય રીતે ભારત દેશમાં બાળકો કે યુવાનો ફિલ્મ સ્ટાર્સ કે ક્રિકેટ પ્લેયર્સના જબરા ફેન હોય છે. એમની સાથે ફોટા પડાવવા અને ઓટોગ્રાફ માટે પડા પડી કરે છે. જ્યારે નરેન્દ્ર મોદી ગુજરાતમાં મુખ્ય મંત્રી હતા ત્યારથી જ દરેક વર્ગના લોકો એમની સાથે ફોટા પડાવવા અને ઓટોગ્રાફ્સ માટે પડાપડી કરે છે. જે એમના વર્ષોના જાહેર જીવનની લોકપ્રિયતા બતાવે છે.
7મી મે ની વહલી સવારથી જ મતદાન મોટાપાયે શરૂ થઇ ગયું. ચૂંટણી વિભાગ સાથે સંકળાયેલા કર્મચારીઓએ તમામ મતદાન મથકો પર મતદારોને ગરમીનો સામનો ના કરવો પડે એવી અલગ-અલગ જરૂરિયાત મુજબ વ્યવસ્થા કરી છે.
43 ડીગ્રી જેટલા તાપમાનમાં જ્યારે મતદારો ઉભા રહી શકે એ માટે મજબુત મંડપની વ્યવસ્થા કરી. જેથી તમામ સુરક્ષા કર્મચારી, ચૂંટણી વ્યવસ્થા કર્મચારી તેમજ મતદારો છાંયે ઉભા રહી શકે.
સોશિયલ મિડીયા, હોર્ડિંગ્સ, ટેલિવિઝન તેમજ અન્ય માધ્યમો દ્વારા મતદાન કરવા માટે ઇલેક્શન કમિશન, સ્વૈચ્છિક સંસ્થાઓ, વેપારીઓ અને સમાજના અગ્રણીઓની અપીલની અસર વહેલી સવારથી જ મતદાન મથકો પર જોવા મળી હતી.
એકદમ યુવાન મતદારો તેમજ વયોવૃધ્ધ કે જેઓ ટેકા વગર ચાલી પણ ના શકતા હોય એવા લોકોએ મતદાન કરવામાં ભારે ઉત્સાહ બતાવ્યો હતો.
દરેક મતદાન મથક પર ચૂટણી સાથે સંકળાયેલા સરકારી અધિકારીઓ, સુરક્ષા સાથે સંકળાયેલા પોલીસ, અર્ધ લશ્કરી દળના જવાનો અને પક્ષના કાર્યકર્તાઓએ ખડેપગે હાજર રહી મતદારોને મદદ કરતાં હતા.
અમદાવાદમાં મતદાન મથક બહાર ટેબલથી માંડી વોટિંગ માટેના રૂમ સુધી મતદારોની સરળતા માટે ચૂંટણી વિભાગ દ્વારા સુવિધાઓ ઉભી કરી હતી.
ચૂંટણી પંચ, રાજકીય પક્ષોએ લોકોને ઘરમાંથી મતદાન મથક સુધી પહોંચાડવા રજાની જાહેરાત કરી. પબ્લિક ટ્રાન્સપોર્ટમાં મફત પ્રવાસ કરી શકાશે એવી વ્યવસ્થા કરી. કેટલાક સ્થળોએ ઘરથી મતદાન મથક સુધી પહોંચાડવા પણ વ્યવસ્થાઓ કરાઇ. આ સાથે વૃધ્ધ અને બિમાર લોકો જેવા મતદાન મથક પર ઉતરે ત્યારે એમને વ્હીલ ચેરમાં બેસાડી મતદાનના બુથ સુધી પહોંચાડવાની વ્યવસ્થા કરી હતી.
એકલા અમદાવાદ શહેરમાં જ દરેક બુથ પર વૃધ્ધ અને બિમાર માણસો માટે વ્હીલચેરની વ્યવસ્થા કરવામાં આવી હતી. જેવી રીતે મોટી સંખ્યામાં મતદાન કરવા માટે ઉદ્યોગપતિઓ, ક્લબો, સહકારી બેંકો અને સામાજિક સંસ્થાઓએ અપીલ કરી એવી જ રીતે તમામ મતદાન મથકો પર વ્હીલચેરની વ્યવસ્થામાં સૌ સહભાગી થયા.
જુદી-જુદી સહકારી બેંકો, સ્વૈચ્છિક સંસ્થાઓના લોગોવાળી એકદમ નવી નક્કોર વ્હીલચેર મતદાન મથકની બહાર જોવા મળી હતી. સૌથી મહત્વની વાત એ છે કે અમદાવાદ શહેરમાં મતદાનની શરુઆત થતાં જ ઠંડા પહોરે વૃધ્ધ અને બિમાર લોકોએ સૌથી વધારે મતદાન કર્યું હતું.