અમદાવાદઃ સપ્તાહનો પ્રારંભ ઘરેલુ શેરબજારોમાં તેજી સાથે થયો હતો. ખાસ કરીને બ્લુ ચિપ શેરોમાં તેજી થઈ હતી. રોકાણકારોની સંપત્તિમાં રૂ. એક લાખ કરોડનો વધારો થયો હતો. મિડકેપ અને સ્મોલકેપ શેરો પણ સાધારણ વધીને બંધ રહ્યા હતા.
વૈશ્વિક બજારોમાં પ્રોત્સાહક સંકેતો અને એશિયન બજારોમાં નોંધપાત્ર તેજીને પગલે ઘરેલુ શેરબજારો પણ મજબૂતી જોવા મળી હતી. જેથી પાંચ દિવસની મંદીને બ્રેક વાગી હતી અને બજારમાં સુધારો થયો હતો. બેન્કિંગ અને ફાઇનાન્શિયલ શેરોમાં સૌથી વધુ લેવાલી જોવા મળી હતી, જ્યારે રિયલ્ટી, FMCG અને મેટલ ઇન્ડેક્સ તેજી સાથે બંધ થયા હતા. એ સાથે એનર્જી, PSE અને ઓઇલ એન્ડ ગેસ શેરોમાં પણ લેવાલી થઈ હતી. જોકે ઓટો અને ફાર્મા શેરોમાં દબાણ જોવા મળ્યું હતું. જેથી BSE સેન્સેક્સ 499 પોઇન્ટની તેજી સાથે 78,540ના સ્તરે અને નિફ્ટી 166 પોઇન્ટ વધીને 23,753ના સ્તરે બંધ થયો હતો. જ્યારે નિફ્ટી મિડકેપ ઇન્ડેક્સ 186 પોઇન્ટ વધીને 57,093ના સ્તરે બંધ થયો હતો, જ્યારે નિફ્ટી બેન્ક 558 પોઇન્ટની તેજી સાથે 51,318ના મથાળ બંધ થયો હતો.NSE પર ઉપલબ્ધ કામચલાઉ ડેટા અનુસાર FIIએ 20 ડિસેમ્બરે ચોખ્ખા વેચવાલ રહ્યા હતા. તેમણે રૂ. 3597.82 કરોડના શેર વેચ્યા હતા. જ્યારે ઘરેલુ સ્થાકીય રોકાણકારઓએ રૂ. 1347.37 કરોડના શેર ખરીદ્યા હતા.
BSE એક્સચેન્જ પર કુલ 4218 શેરોમાં કામકાજ થયાં હતાં, જેમાં 1641 શેરો તેજીની સાથે બંધ થયા હતા. આ સાથે 2446 શેરો નરમ બંધ રહ્યા હતા, જ્યારે 131 શેરો સપાટ બંધ રહ્યા હતા. આ સિવાય 212 શેરોએ 52 સપ્તાહની નવી ઊંચી સપાટી સર કરી હતી, જ્યારે 93 શેરોએ 52 સપ્તાહની નીચલી સપાટીએ પહોંચ્યા હતા. આ સાથે 314 શેરોમાં અપર સરકિટ લાગી હતી, જ્યારે 374 શેરોમાં નીચલી સરકિટ લાગી હતી.
આજે ફરી સમાચાર સામે આવ્યા છે કે કાંબલીની તબિયત અચાનક ખરાબ થઈ છે અને તેમને થાણેની પ્રગતિ હોસ્પિટલમાં ભરતી કરવામાં આવ્યા છે. જો કે ડૉક્ટર્સની ટીમ તેમની સાર-સંભાળ રાખી રહી છે અને દરેક જરુરી ટેસ્ટ કરવામાં આવી રહ્યા છે.
વિનોદ કાંબલીએ ભારતીય ટીમ માટે વર્ષ 1991માં વન ડેમાં ડેબ્યું કર્યું હતું. ત્યાર બાદ તેમણે ટીમ ઈન્ડિયા માટે ટેસ્ટમાં વર્ષ 1993માં ડેબ્યુ કર્યુ હતું. તેમણે ટીમ ઈન્ડિયા માટે ઘણી શાનદાર ઈનિંગ રમી છે. તેઓ ભારતના સૌથી ઝડપી 1,000 ટેસ્ટ રન બનાવનારા બેટમેન રહ્યા હતા.
નેશનલ મેથ્સ કાર્નિવલ-2024માં ત્રણ દિવસ દરમિયાન મેથ્સ મોડેલ પઝલ એક્ઝિબિશન, મેથ્સ ક્વિઝ, પોપ્યુલર મેથ્સ લેક્ચર, પઝલ પ્રેક્ટિકલ, કલ્ચરલ એક્ટિવિટી, મેથ્સ પોએમ, સ્ટોરી એન્ડ રીલે, ટીચર પેપર પ્રેઝન્ટેશન જેવી વિવિધ પ્રવૃત્તિઓનું આયોજન કરવામાં આવ્યું હતું. દેશના 18 રાજ્યની અલગ-અલગ શાળાના 250થી વધુ વિદ્યાર્થીઓ અને શિક્ષકો તેમજ ગણિત પ્રેમીઓએ આ પ્રવૃત્તિઓમાં ઉત્સાહભેર ભાગ લીધો હતો. મોટી સંખ્યામાં વિદ્યાર્થીઓ અને સાયન્સ સિટીની મુલાકાતે આવેલા લોકોએ મેથ્સ પ્રદર્શનો નિહાળ્યા હતા.
22મી ડિસેમ્બરે નેશનલ મેથ્સ કાર્નિવલ-2024ના સમાપન પ્રસંગે વિવિધ પ્રવૃત્તિઓમાં શ્રેષ્ઠ પ્રદર્શન કરનારા સહભાગી વિદ્યાર્થીઓ અને શિક્ષકોને પુરસ્કાર આપી સન્માનિત કરવામાં આવ્યા હતા. સહભાગી વિદ્યાર્થીઓ, શિક્ષકો અને ગણિતપ્રેમીઓએ ગુજરાત સાયન્સ સિટીની એક્વેટિક ગેલેરી, રોબોટિક્સ ગેલેરી સહિતની ગેલેરીઓની મુલાકાત લીધી હતી. ગણિત વિષય પ્રત્યે વિદ્યાર્થીઓ અને લોકોની રૂચિ વધે તે હેતુથી આ નેશનલ મેથ્સ કાર્નિવલ-2024નું આયોજન કરવામાં આવ્યું હતું.