લખનૌઃ ઉત્તર પ્રદેશ વિધાન પરિષદ (MLC)ની શિક્ષક અને સ્નાતક મતવિસ્તારોની 11 બેઠકોની ચૂંટણીનાં પરિણામોમાં ભાજપ (BJP) અને સમાજવાદી પાર્ટી (SP) વચ્ચે કાંટાની ટક્કર જોવા મળી છે. કુલ 11 બેઠકોમાંથી ભાજપે છ બેઠકો પર જીત મેળવી છે, જ્યારે મુખ્ય વિપક્ષી પક્ષ સમાજવાદી પાર્ટીએ પાંચ બેઠકો જીતી છે.
23 ઓક્ટોબરે મતદાન થયા બાદ મંગળવારે સવારે મતગણતરી શરૂ થઈ હતી, જે લાંબી પ્રક્રિયા બાદ ગુરુવાર સુધી ચાલુ રહી હતી. આગામી વર્ષે યોજાનારી ઉત્તર પ્રદેશ વિધાનસભાની ચૂંટણી પહેલાં આ પરિણામોને બંને મુખ્ય પક્ષો વચ્ચે પ્રતિષ્ઠાની મોટી લડાઈ તરીકે જોવામાં આવી રહ્યાં હતાં.
ક્યાંથી કોણે બાજી મારી?
ભાજપ (BJP) — 6 બેઠકો
- આગ્રા સ્નાતક બેઠક: ભાજપના માનવેન્દ્ર પ્રતાપ સિંહ (ગુરુજી) વિજયી રહ્યા.
- મેરઠ સ્નાતક બેઠક: ભાજપના ઉમેદવારે જીત નોંધાવી.
- બરેલી-મુરાદાબાદ શિક્ષક બેઠક: ભાજપના ઉમેદવાર વિજયી રહ્યા.
- લખનૌ શિક્ષક બેઠક: ભાજપના ઉમેદવારે બેઠક પર પોતાનું વર્ચસ્વ જાળવી રાખ્યું.
- મેરઠ શિક્ષક બેઠક: ભાજપના ખાતામાં ગઈ.
- ગોરખપુર-ફૈઝાબાદ શિક્ષક બેઠક: કાંટાની ટક્કર બાદ ભાજપના ઉમેદવારનો વિજય થયો.
સમાજવાદી પાર્ટી (SP) — 5 બેઠકો
- લખનૌ સ્નાતક બેઠક: સપાના કાંતિ સિંહે ભાજપના અવિનાશ કુમાર સિંહને 51,168 સામે 36,313 મતથી હરાવ્યા.
- વારાણસી સ્નાતક બેઠક: સપાના આશુતોષ સિંહાએ મોટી સરસાઈ મેળવી. પાછળ ચાલી રહેલા ભાજપના ઉમેદવાર કેદારનાથ સિંહે સોશિયલ મિડિયા પર પોતાની હાર સ્વીકારી લીધી.
- અલાહાબાદ-ઝાંસી સ્નાતક બેઠક: સપાના ઉમેદવારે જીત નોંધાવી.
- વારાણસી શિક્ષક બેઠક: સપાના ઉમેદવાર વિજયી રહ્યા.
- આગ્રા-અલીગઢ શિક્ષક બેઠક: સપાના ખાતામાં ગઈ.
BJP : 06
SP : 05But more than this scorecard, it’s important to look at the margins of Samajwadi party in seats where it won
Despite having no resources, SP has won seats with margins like 27000, 18000, 12000 which is way too high for graduate MLC seats 🔥
And the seats it lost, two are very close
SP still has a lot to improve, and under Akhilesh Yadav, they will definitely do that. Especially in Western UP https://t.co/NIVvCJivBW
— Amock_ (@Amockx2022) October 28, 2026
ભાજપના ઉમેદવારે હાર સ્વીકારી
વારાણસી સ્નાતક બેઠક પરથી ભાજપના ઉમેદવાર કેદારનાથ સિંહે સોશિયલ મિડિયા પર પોસ્ટ કરીને જનાદેશનો વિનમ્રતાપૂર્વક સ્વીકાર કર્યો હતો.
આ ચૂંટણીમાં સમાજવાદી પાર્ટીએ લખનઉ જેવી મહત્ત્વપૂર્ણ સ્નાતક બેઠક ભાજપ પાસેથી છીનવીને અને પોતાની જૂની બેઠકો જાળવી રાખીને રાજ્યમાં પોતાની મજબૂત હાજરીનો અહેસાસ કરાવ્યો છે. જોકે છ બેઠકો જીતીને ભાજપ સૌથી મોટા પક્ષ તરીકે ઊભરી આવ્યો છે.
