અમેરિકા: યુ.એસ. સેન્ટર ફોર ડિસીઝ કંટ્રોલ એન્ડ પ્રિવેન્શનના ડિરેક્ટર જોન નેકેનગાસોંગે એક આદેશ જારી કરીને કહ્યું છે કે WHO સાથે કામ કરતા તમામ અધિકારીઓએ તાત્કાલિક અસરથી પોતાનું કામ બંધ કરવું પડશે. તેમના નિર્દેશોમાં, તેમણે કહ્યું કે બધાં આરોગ્ય અધિકારીઓએ WHO સાથે સહયોગ કરવાનું બંધ કરવું જોઈએ.
આ આદેશ WHOમાં જોડાનારા તમામ CDC કર્મચારીઓને લાગુ પડશે. તેમાં એમ પણ કહેવામાં આવ્યું છે કે CDCના કર્મચારીઓને WHO ઓફિસોની મુલાકાત લેવાની મંજૂરી આપવામાં આવશે નહીં.
હેલ્થ સેવાઓ પર અસર પડશે
અમેરિકા દ્વારા લેવામાં આવેલા આ નિર્ણય પછી, નિષ્ણાતોએ જણાવ્યું હતું કે હેલ્થ સેવાઓ પર આટલો અચાનક પ્રતિબંધ આશ્ચર્યજનક છે અને તેની અસર આફ્રિકામાં મારબર્ગ વાયરસ અને મંકીપોક્સના પ્રકોપને રોકવા પર પણ પડશે. નિષ્ણાતો કહે છે કે આ નિર્ણય ત્યારે આવ્યો છે. જ્યારે આરોગ્ય અધિકારીઓ વિશ્વભરમાં બર્ડ ફ્લૂના વધતા પ્રકોપને રોકવા માટે કામ કરી રહ્યા છે.
હકીકતમાં, રાષ્ટ્રપતિ ટ્રમ્પે ગયા અઠવાડિયે WHO માંથી અમેરિકાના ખસી જવાની પ્રક્રિયા શરૂ કરવાનો આદેશ જારી કર્યો હતો, પરંતુ તેનો તાત્કાલિક અમલ કરવામાં આવ્યો ન હતો. હકીકતમાં, WHO છોડવા માટે કોંગ્રેસની મંજૂરી જરૂરી છે.
નિર્ણયની અસર ઘણા દેશો પર પડશે
ગયા અઠવાડિયે, ટ્રમ્પે એઇડ્સ રાહત માટે રાષ્ટ્રપતિની કટોકટી યોજના પર ખર્ચ અટકાવ્યો હતો. HIV નાબૂદ કરવાની ઝુંબેશ ભૂતપૂર્વ રાષ્ટ્રપતિ જ્યોર્જ ડબલ્યુ. બુશ દ્વારા શરૂ કરવામાં આવી હતી. આ કાર્યક્રમ હેઠળ, 25 મિલિયન લોકોના જીવ બચાવવામાં આવ્યા. જેમાં ૫૫ લાખ બાળકોનો પણ સમાવેશ થાય છે.
ટ્રમ્પની પીછેહઠ અમેરિકાના માર્ગ પર ચાલનારા દેશો પર પણ અસર કરશે. દુનિયા હાલમાં યુદ્ધથી ડરી રહી છે. ઘણા દેશો તેમના સંરક્ષણ બજેટમાં વધારો કરવાનો પ્રયાસ કરી રહ્યા છે. આમાં, તેઓ અમેરિકાનો હવાલો આપીને વિશ્વ આરોગ્ય સંગઠનને ભંડોળ પણ બંધ કરી શકે છે.
