દેશમાં છેલ્લા ઘણા સમયથી વિવિધ પ્રકારની ધમકીઓ મળી રહી છે. ખાસ કરીને ફ્લાઈટ્સને બોમ્બથી ઉડાવી દેવાની ધમકીઓ બહુ મળી રહી છે. આ વચ્ચે હવે ગુજરાતના રાજકોટમાં પણ હોટલોને ધમકી ભર્યા મેઈલ મળતા ખળભળાટ મચી જવા પામ્યો છે. ગુજરાતના રાજકોટની 10 પ્રખ્યાત હોટલોને બોમ્બની ધમકી મળી છે.
રાજકોટની 5 સ્ટાર હોટલ સહિત 10 હોટલોને ઉડાવી દેવાની ધમકીનો મેલ મળ્યો હતો. આ મેઈલ ઈમ્પીરીયલ પેલેસ, સયાજી હોટલ, સીઝન્સ હોટલ, હોટેલ ગ્રાન્ડ રીજન્સી સહિતની ઘણી હોટલ પર આવ્યો હતો. આ ધમકી બાદ રાજકોટ શહેર પોલીસે તપાસ શરૂ કરી હતી. આ મેઈલ કોણે મોકલ્યો હતો તેની પણ તપાસ કરવામાં આવી હતી.
