બુધવારે સાંજે દિલ્હીના IGI એરપોર્ટ પર તૈનાત તમામ સુરક્ષા એજન્સીઓ અચાનક એક્શનમાં આવી ગઈ જ્યારે તેમને ફોન પર માહિતી મળી કે દરભંગાથી નવી દિલ્હીની ફ્લાઈટમાં બોમ્બ છે. બાદમાં આ માહિતી ખોટી નીકળી, ત્યારબાદ તેને ફેક કોલ જાહેર કરવામાં આવ્યો. બધુ બરાબર જણાયા બાદ સુરક્ષા એજન્સીઓએ રાહતનો શ્વાસ લીધો હતો. આઈજીઆઈ પોલીસ સ્ટેશન હવે એ જાણવાનો પ્રયાસ કરી રહ્યું છે કે બોમ્બ વિશે નકલી માહિતી આપનાર વ્યક્તિ કોણ હતો.
STORY | Bomb threat for Delhi-bound flight, turns out to be hoax
READ: https://t.co/1SMbL7YgEo pic.twitter.com/vGOjqhMZ5H
— Press Trust of India (@PTI_News) January 24, 2024
પોલીસના જણાવ્યા અનુસાર, કંટ્રોલ રૂમમાં કોલ કરીને માહિતી આપવામાં આવી હતી કે દરભંગાથી નવી દિલ્હી આવી રહેલી સ્પાઈસ જેટની ફ્લાઈટ (SG 8946)માં બોમ્બ છે. આ માહિતી બાદ એરપોર્ટ પરની તમામ એજન્સીઓને સાંજે 5.50 વાગ્યે સંપૂર્ણ એલર્ટ પર રહેવાની સૂચના આપવામાં આવી હતી. સાંજે 6.06 વાગ્યે પ્લેન લેન્ડ થતાં જ તમામ મુસાફરોને તરત જ નીચે ઉતારવામાં આવ્યા હતા. આ પછી પ્લેનને એવી જગ્યાએ લઈ જવામાં આવ્યું જ્યાં નજીકમાં અન્ય કોઈ પ્લેન નહોતા. અહીં પ્લેનની તલાશી લેવામાં આવી હતી. ઝીણવટભરી તપાસ બાદ માહિતી ખોટી હોવાનું બહાર આવ્યું હતું.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)